നാടുകാണി ചുരത്തില്‍ വീണ്ടും ചരക്കുലോറിക്ക് തീ പിടിച്ചു ; ലോറിയില്‍ ഉണ്ടായിരുന്നത് ഡ്രൈവറുടെ കുടുംബവും

നിലമ്പൂര്‍: നാടുകാണി ചുരത്തില്‍ ചരക്കുലോറിക്ക് വീണ്ടും തീ പിടിച്ചു. തിങ്കളാഴ്ച രാവിലെ 11.30ഓടെ എക്‌സൈസ് ചെക് പോസ്റ്റിന് സമീപമാണ് സംഭവം. ആന്ധ്രയില്‍ നിന്ന് സിമന്റുമായി എത്തിയ 12 ചക്രമുള്ള ലോറിയുടെ ടയറാണ് ചൂടായി കത്തിയത്. ലോറിക്കുള്ളില്‍ ഡ്രൈവറുടെ കുടുംബവുമുണ്ടായിരുന്നു. നാട്ടുകാര്‍ ഓടിക്കൂടി തീ കെടുത്തിയതിനാല്‍ വന്‍ ദുരന്തം ഒഴിവായി. ഇതിനു മുമ്പ് ഞായറാഴ്ച ഇതേ ചുരത്തില്‍ ചരക്കുലോറി തീ പിടിച്ച് കത്തിനശിച്ചിരുന്നു.