സ്കൂൾ വിദ്യാർത്ഥികളെ പീഡിപ്പിച്ച കേസിൽ അധ്യാപകന് ശിക്ഷ വിധിച്ചു

കാസർഗോഡ് : സ്കൂൾ വിദ്യാർത്ഥികളെ പീഡിപ്പിച്ച കേസിൽ അധ്യാപകന് ശിക്ഷ വിധിച്ചു. മധൂർ പഞ്ചായത്തിലെ സ്കൂൾ അധ്യാപകൻ ബാലമുരളിയെയാണ് 10 വർഷം കഠിന തടവിന് ജില്ലാ സെഷൻസ് കോടതി ശിക്ഷിച്ചത്. പ്രായപൂർത്തിയാകാത്ത പെൺകുട്ടികളെ പീ‍ഡനത്തിനിരയാക്കിയതിന് 10 വ‌‌‌ർഷവും മറ്റൊരു വകുപ്പിൽ അ‌‌ഞ്ച് വ‌‌ർഷം തടവുമാണ് കോടതി വിധിച്ചതെങ്കിലും ശിക്ഷ ഒരുമിച്ചനുഭവിച്ചാൽ മതിയെന്നതിനാൽ 10 വ‌‌ർഷമായിരിക്കും തടവ്. 35,000 രൂപ പിഴയും കോടതി വിധിച്ചിട്ടുണ്ട്. 2012 – 2013 അധ്യായന വർഷത്തിലാണ് കേസിനാസ്പദമായ സംഭവം നടന്നത്. എൽ പി വിഭാഗത്തിലെ ആറ് വിദ്യാർത്ഥികളാണ് അധ്യാപകനെതിരെ പീ‍ഡന പരാതിയുമായി രംഗത്തെത്തിയത്.