ബിഗ്‌ബോസിൽ പവനേയും രജിത്തിനെയും ക്യാപ്റ്റനാക്കാതിരിക്കാൻ കയ്യാങ്കളിയും മോഷണവും : എൻഡെമോൾഷൈൻ പേജിലും ഏഷ്യാനെറ്റ് പേജിലും പൊങ്കാല

ദിവസങ്ങൾ കഴിയുന്തോറും ബിഗ്‌ബോസിൽ അരങ്ങേറുന്നത് അസാധാരണ സംഭവങ്ങൾ. ബിഗ്‌ബോസ് സീസൺ വണ്ണിൽ നിന്ന് വ്യത്യസ്തമായി കൂടുതൽ ആക്രമണങ്ങളും പരദൂഷണങ്ങളും മോഷണവും മറ്റുമാണ് ബിഗ്‌ബോസ് 2 വിനെ വിവാദത്തിലേക്ക് വലിച്ചിഴക്കുന്നത്.ഓരോദിവസം കഴിയുന്തോറും ഹൗസില്‍ പിടിച്ചുനീക്കാനുളള ശ്രമങ്ങള്‍ എല്ലാവരും നടത്തുന്നുണ്ട്. ഇതിനായി ചെറിയ കാര്യങ്ങള്‍ക്ക് പോലും തല്ലുകൂടുകയാണ്. ബിഗ് ബോസിന്റെ കഴിഞ്ഞൊരു എപ്പിസോഡില്‍ മല്‍സരാര്‍ത്ഥികളോട് സഭ്യത വിട്ട് സംസാരിക്കരുതെന്ന് മോഹന്‍ലാല്‍ നിര്‍ദ്ദേശിച്ചിരുന്നു. മഞ്ജു രജിത്തിനോട് മോശമായി സംസാരിച്ചത് എടുത്തുപറഞ്ഞുകൊണ്ടാണ് മോഹന്‍ലാല്‍ ഇക്കാര്യം പറഞ്ഞിരുന്നത്.

എന്നാല്‍ ബിഗ് ബോസിന്റെ പുതിയ എപ്പിസോഡില്‍ ഇതെല്ലാം മറന്നുകൊണ്ടാണ് ചിലര്‍ പെരുമാറുന്നത്. രജിത്ത് സാറിനെ അധിക്ഷേപിച്ചുകൊണ്ട് പാഷാണം ഷാജിയാണ് കഴിഞ്ഞ ദിവസം സംസാരിച്ചത്. പാഷാണം ഷാജി പറഞ്ഞതിനെ ഏറ്റുപിടിച്ച്‌ മറ്റുളളവരും രംഗത്തെത്തിയിരുന്നു. ഇതിനെതിരെ വലിയ രീതിയിലുളള വിമര്‍ശനങ്ങളുയരുന്നതിനിടെയാണ് അടുത്ത സംഭവം.ലക്ഷുറി ടാസ്കിനിടെ ഒന്നാം സ്ഥാനത്തു നിന്ന പവനിൽ നിന്ന് നാണയങ്ങൾ മോഷ്ടിച്ചു ഫുക്രുവിന് കൊടുത്ത് മഞ്ജുവും വീണയും ജസ്ലയും. ഇതോടെ ഫക്രുവും ഷാജിയും ഒന്നും രണ്ടും സ്ഥാനത്തെത്തി.

പവന്റെ നാണയങ്ങൾ നഷ്ടപ്പെട്ടതോടെ പവൻ ക്യാപ്റ്റൻസി ടാസ്കിലേക്ക് മത്സരിക്കാൻ യോഗ്യനല്ലാതായി. രജിത് കുമാറിന്റെ നാണയങ്ങൾ മുഴുവനുമായി ഇവർ മോഷ്ടിച്ചെടുക്കുകയും ചെയ്തു. ഇതോടെയാണ് തർക്കവും തുടർന്ന് കയ്യാങ്കളിയും ആയത്. പാഷാണം ഷാജിയും മറ്റുള്ളവർക്കൊപ്പം ചേർന്ന് ക്യാപ്റ്റൻ പദവി തന്നെ മറന്ന മട്ടാണ്‌. ഇന്നലെ കണ്ണിനു അസുഖം ബാധിച്ചതോടെ എലീനയും ദയയും വീടിനു പുറത്തേക്ക് ചികിത്സക്ക് പോയതോടെ ബാക്കിയുള്ളവർ പവനേയും രജിത്തിനെയും വളഞ്ഞിട്ടാണ് ആക്രമണം. ബിഗ്‌ബോസ് കണ്ണിന്റെ പരിശോധനയ്ക്കായി എല്ലാവരെയും പുറത്തേയ്ക്ക് വിളിച്ചപ്പോൾ ആയിരുന്നു മോഷണം.

ഈ സമയം ഗെയിം നിർത്തി വെച്ചതായാണ് ബിഗ്‌ബോസ് അനൗൺസ് ചെയ്തത്. ഇതോടെയാണ് പവൻ പൊട്ടിത്തെറിച്ചത്. ആര്യയും മറ്റും പവനേയും രജിത് കുമാറിനെയും എങ്ങനെ തോൽപ്പിക്കാമെന്ന ഗൂഢാലോചനയിലാണ് എപ്പോഴും ഉള്ളത്. ഇതെല്ലം പ്രേക്ഷകരിൽ അസ്വസ്ഥത ഉണർത്തുന്നുണ്ട്. ഇതോടെ ഏഷ്യാനെറ്റ് പേജിലും എൻഡെമോൾഷൈൻ പേജിലും പൊങ്കാലയുമായി ആരാധകർ എത്തിയിരിക്കുകയാണ്. ജസ്റ്റീസ് ഫോർ പവൻ ആൻഡ് രജിത് എന്ന ഹാഷ് ടാഗോടെയാണ് കമന്റുകൾ നിറയുന്നത്. ഇന്നത്തെ എപ്പിസോഡിൽ ഫുക്രു ഡോക്ടർ രജിത്തിനെ കയ്യേറ്റം ചെയ്യുന്ന വീഡിയോ പ്രോമോയും ആരാധകരിൽ പ്രതിഷേധം ആളികത്തിച്ചിട്ടുണ്ട്.