ഡൽഹി തെരഞ്ഞെടുപ്പ്: ഏ​ഴു ശ​ത​മാ​നത്തിൽ അ​ധി​കം വോ​ട്ടു വി​ഹി​തം വർധിപ്പിച്ച് ബി​ജെപി; ആപ്പ് മുന്നേറുമ്പോഴും വോട്ടു ശതമാനത്തിൽ കുറവ്

ന്യൂ​ഡ​ല്‍​ഹി: ഡൽഹി തെരഞ്ഞെടുപ്പിൽ ആം ആദ്മി പാർട്ടി മുന്നേറുമ്പോഴും വോട്ടു ശതമാനത്തിൽ വൻ കുറവ് രേഖപ്പെടുത്തി. അതേസമയം, ഏ​ഴു ശ​ത​മാ​നത്തിൽ അ​ധി​കം വോ​ട്ടു വി​ഹി​തം ബി​ജെ​പി വർധിപ്പിച്ചത് വലിയ നേട്ടമായാണ് രാഷ്ട്രീയ നിരീക്ഷകർ വിലയിരുത്തുന്നത്.

2015-ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ചു ബി​ജെ​പി​ക്ക് ഇ​ത്ത​വ​ണ ഏ​ഴു ശ​ത​മാ​നം അ​ധി​കം വോ​ട്ടു വി​ഹി​തം ല​ഭി​ച്ചി​ട്ടു​ണ്ട്. ഇ​ത്ത​വ​ണ 39 ശ​ത​മാ​ന​ത്തി​നു മു​ക​ളി​ലാ​ണ് ബി​ജെ​പി​യു​ടെ വോ​ട്ടു​വി​ഹി​തം. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ 32.2 ശ​ത​മാ​നം വോ​ട്ടാ​ണ് ബി​ജെ​പി​ക്കു ല​ഭി​ച്ച​ത്. ക​ഴി​ഞ്ഞ ത​വ​ണ 54.3 ശ​ത​മാ​നം വോ​ട്ട് നേ​ടി​യ എ​എ​പി ഇ​ക്കു​റി 52 ശ​ത​മാ​ന​ത്തി​ലേ​ക്കു താ​ഴ്ന്നു. ക​ഴി​ഞ്ഞ ത​വ​ണ 9.7 ശ​ത​മാ​നം വോ​ട്ട്‌​വി​ഹി​തം ല​ഭി​ച്ച കോ​ണ്‍​ഗ്ര​സ് ഇ​ക്കു​റി അ​ഞ്ചു ശ​ത​മാ​ന​ത്തി​നും താ​ഴേ​ക്കു വീ​ണു.

ഏ​റ്റ​വും അ​വ​സാ​നം ല​ഭി​ച്ച ഫ​ല​മ​നു​സ​രി​ച്ച്‌ എ​എ​പി 57 സീ​റ്റു​ക​ളി​ലും ബി​ജെ​പി 13 സീ​റ്റു​ക​ളി​ലും മു​ന്നി​ട്ട് നി​ല്‍​ക്കു​ക​യാ​ണ്. 2015-ല്‍ ​മൂ​ന്ന് സീ​റ്റു​ക​ള്‍ മാ​ത്രം നേ​ടി​യ ബി​ജെ​പി ഇ​ക്കു​റി നി​ല മെ​ച്ച​പ്പെ​ടു​ത്തി​യെ​ന്ന് ആ​ശ്വ​സി​ക്കുമ്പോൾ കോ​ണ്‍​ഗ്ര​സ് ക​ഴി​ഞ്ഞ ത​വ​ണ വ​ട്ട​പ്പൂ​ജ്യ​മാ​യ​തി​നാ​ല്‍ ഇ​ക്കു​റി​യും ന​ഷ്ട​ങ്ങ​ളി​ല്ല.

ALSO READ: ഡ​ല്‍​ഹി തെ​ര​ഞ്ഞെ​ടു​പ്പ്: കോ​ണ്‍​ഗ്ര​സ് വീ​ണ്ടും ത​ക​ര്‍​ന്ന​ടി​ഞ്ഞ​ത് ആ​ശ​ങ്ക​പ്പെ​ടു​ത്തു​ന്നു​വ​ന്ന് കോ​ണ്‍​ഗ്ര​സ് എം​പി അ​ധീ​ര്‍ ര​ഞ്ജ​ന്‍ ചൗ​ധ​രി

അതേസമയം, രാ​ജ്യം ഏറെ പ്രതീക്ഷയോടെ നോ​ക്കി​യ തെ​ര​ഞ്ഞെ‌​ടു​പ്പി​ല്‍ കോ​ണ്‍​ഗ്ര​സ് വീ​ണ്ടും ത​ക​ര്‍​ന്ന​ടി​ഞ്ഞ​ത് ആ​ശ​ങ്ക​പ്പെ​ടു​ത്തു​ന്നു​വ​ന്ന് കോ​ണ്‍​ഗ്ര​സ് എം​പി അ​ധീ​ര്‍ ര​ഞ്ജ​ന്‍ ചൗ​ധ​രി വ്യക്തമാക്കി. വോ​ട്ടെ​ണ്ണ​ല്‍ തു​ട​ങ്ങി​യ​തി​നു ശേ​ഷം ആ​ദ്യ​മാ​യാ​ണ് ഒ​രു കോ​ണ്‍​ഗ്ര​സ് നേ​താ​വി​ന്‍റെ പ്ര​തി​ക​ര​ണം പു​റ​ത്തു വ​രു​ന്ന​ത്. ആം​ആ​ദ്മി പാ​ര്‍​ട്ടി വീ​ണ്ടും അ​ധി​കാ​ര​ത്തി​ല്‍ തി​രി​ച്ചെ​ത്തു​മെ​ന്ന് ഏ​വ​ര്‍​ക്കും ഉ​റ​പ്പാ​യി​രു​ന്നു​വെ​ന്നും ബി​ജെ​പി​ക്കു മേ​ല്‍ ആ​പ് നേ​ടി​യ മു​ന്നേ​റ്റം മ​ഹ​ത്ത​ര​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.