സൗദിയിൽ വാഹനാപകടം : ആറ് പ്രവാസികൾക്ക് ദാരുണാന്ത്യം

റിയാദ് : വാഹനാപകടത്തിൽ ആറ് പ്രവാസികൾക്ക് ദാരുണാന്ത്യം. നിയന്ത്രണം വിട്ട കാർ പാലത്തിന്​ മുകളിൽ നിന്ന് താഴയുള്ള റോഡിൽ വീണ് പാകിസ്ഥാൻ പൗരന്മാരായ ആറു പേരാണ് മരണപ്പെട്ടത്. ജുബൈൽ -റോയൽ കമീഷൻ റോഡിൽ, ജുബൈൽ വ്യവസായ മേഖലയിലേക്കുള്ള, എക്സിറ്റ് ഏഴിൽ മറാഫിഖ്​ പ്ലാന്റിലേക്ക് ഇറങ്ങുന്ന പാലത്തിൽ തിങ്കളാഴ്ച രാവിലെ 7.30നായിരുന്നു അപകടം.

Also read : ഗൾഫ് രാജ്യത്ത് വരും ദിവസങ്ങളിൽ അതിശൈത്യത്തിനു സാധ്യതയെന്ന് മുന്നറിയിപ്പ്

ഇവർ സഞ്ചരിച്ചിരുന്ന ഷെവർലെ കാർ പാലത്തിന്റെ കൈവരിക്ക്​ മുകളിലൂടെ താഴെ റോഡിലേക്ക് തലകീഴായി പതിയ്ക്കുകയായിരുന്നു. കാറിനുള്ളിൽ ഉണ്ടായിരുന്ന സഹോദരങ്ങളായ സൽമാൻ, ഷീഷൻ എന്നിവരടക്കം എല്ലാവരും തൽക്ഷണം മരിച്ചു. പോലീസും അഗ്​നിശമന സേനയും എത്തി വാഹനം വെട്ടിപ്പൊളിച്ചാണ് ഇവരെ പുറത്തെടുത്തത്. മൃതദേഹങ്ങൾജുബൈൽ ജനറൽ ആശുപത്രി മോർച്ചറിയിലേക്ക് മാറ്റി. സാധാരണ നല്ല തിരക്കേറിയ റോഡിലേക്കാണ്​ കാർ വീണത്​ അപകടസമയത്ത് തിരക്കിന്​ നേരിയ കുറവുണ്ടായിരുന്നതിന്നാലും . മറ്റു വാഹനങ്ങൾ ഇല്ലാതിരുന്നതിനാൽ വലിയ ദുരന്തമാണ് ഒഴിവായത്.

. ജുബൈലിലെ ഒരു സ്വകാര്യ കമ്പനി ജീവനക്കാരായിരുന്ന ഇവർ ചെറിയ നിർമാണ പണികൾ ഏറ്റെടുത്തു ചെയ്തുവരികയായിരുന്നു. വ്യവസായ മേഖല കേന്ദ്രീകരിച്ച്​ ഏറ്റെടുത്ത ജോലി പൂർത്തിയാക്കാൻ പോകുന്നതിനിടെയാണ് വാഹനാപകടം ഉണ്ടായത്. ആറുമാസം മുമ്പായിരുന്നു സൽമാന്റെ വിവാഹം.