മാന്നാർ: യുവതി കുളിക്കുന്ന ദൃശ്യം പകർത്താൻ ശ്രമിച്ച പതിനെട്ടുകാരൻ പിടിയിൽ. ചെന്നിത്തല പഞ്ചായത്ത് തൃപ്പെരുന്തുറ 14-ാം വാർഡിൽ അടക്കത്ത് വീട്ടിൽ പരേതനായ പ്രഭാകരന്റെ മകൻ പ്രവീൺ (ഉണ്ണി) ആണ് പിടിയിലായത്. കഴിഞ്ഞ ദിവസം രാത്രിയാണ് സംഭവം നടന്നത്. യുവതി കുളിക്കാൻ മുറിയിലേക്ക് കയറിയ സമയത്ത് പ്രതി മൊബൈൽ വെന്റിലേഷനിൽ വെക്കുകയായിരുന്നു. ദൃശ്യങ്ങൾ പകർത്തുന്നതിനിടയിൽ മൊബൈലിൽ നിന്നും ഫ്ളാഷ് ഉണ്ടായി. ഇതോടെ യുവതി ബഹളം വെക്കുകയും വീട്ടുകാർ ഓടിയെത്തിയപ്പോഴേക്കും പ്രവീൺ ഓടി രക്ഷപെടുകയുമായിരുന്നു. യുവതി നൽകിയ പരാതിയുടെ അടിസ്ഥാനത്തിലാണ് മാന്നാർ പോലീസ് പ്രതിയെ പിടികൂടിയത്. ദൃശ്യങ്ങൾ പകർത്തിയ മൊബൈലും കണ്ടെടുത്തിട്ടുണ്ട്.
Post Your Comments