ഒരു പ്രതീക്ഷയും സമ്മര്‍ദ്ദവും ഒന്നുമില്ലാതെ ഇറങ്ങിയിട്ടു പോലും കേരള ബ്ലാസ്റ്റേഴ്സിന് വിജയം സ്വപ്‌നമായി മാത്രം അവശേഷിക്കുന്നു. ഇന്ന് ഐ എസ് എല്ലില്‍ നോര്‍ത്ത് ഈസ്റ്റ് യുണൈറ്റഡിനെതിരെ അഞ്ചു മാറ്റങ്ങളുമായാണ് കേരള ബ്ലാസ്റ്റേഴ്‌സ് ഇറങ്ങിയത്. എന്നാല്‍ കളിയില്‍ കാര്യമായ മാറ്റമൊന്നും ഉണ്ടായില്ല. ആദ്യ പകുതിയില്‍ മികച്ച ഒരു അവസരം പോലും മത്സരത്തില്‍ സൃഷ്ടിക്കാന്‍ കേരളത്തിനായില്ല.
രണ്ടാം പകുതിയില്‍ രണ്ടു ടീമുകളും അവസരങ്ങള്‍ ഉണ്ടാക്കി. എന്നാല്‍ നോര്‍ത്ത് ഈസ്റ്റ് കീപ്പര്‍ സുഭാഷിഷും കേരള ബ്ലാസ്റ്റേഴ്‌സ് കീപ്പര്‍ ബിലാലും കളിയില്‍ മികച്ചു നിന്നത് കൊണ്ട് ഗോള്‍ വല കുലുങ്ങിയില്ല എന്നു മാത്രം. ഇന്നും വിജയിക്കാന്‍ ആവാതെ ആയതോടെ നോര്‍ത്ത് ഈസ്റ്റ് യുണൈറ്റഡ് വിജയമില്ലാതെ പത്തു മത്സരങ്ങള്‍ പൂര്‍ത്തിയാക്കി. കേരള ബ്ലാസ്റ്റേഴ്‌സ് ഇന്ന് അവസാന നിമിഷങ്ങളില്‍ റാഫിയെയും രാഹുലിനെയും ഇറക്കി നോക്കിയെങ്കിലും അതും ഫലം കണ്ടില്ല. ഇനി ലീഗില്‍ രണ്ട് മത്സരങ്ങള്‍ മാത്രമെ കേരള ബ്ലാസ്റ്റേഴ്സിന് അവശേഷിക്കുന്നുള്ളൂ. വിജയിച്ച് മടങ്ങാന്‍ കൊമ്പന്മാര്‍ക്കാകുമോ എന്ന് കണ്ടു തന്നെ അറിയണം
Post Your Comments