തിരുവനന്തപുരം: ട്രാന്‍സ്‌പോര്‍ട്ട് ബസില്‍ യുവതിക്കെതിരെ പീഡനശ്രമം. തിരുവനന്തപുരം-നാഗര്‍കോവില്‍ തമിഴ്‌നാട് ട്രാന്‍സ്‌പോര്‍ട്ട് ബസിലാണ് പീഡനശ്രമമുണ്ടായത്. ഇന്ന് രാവിലെയായിരുന്നു സംഭവം. സംഭവത്തില്‍ കണ്ടക്ടര്‍ക്കെതിരെ യാത്രക്കാരി പരാതി നല്‍കി.
തിരുവനന്തപുരത്ത് നിന്ന് നാഗര്‍കോവിലേക്ക് പോകുകയായിരുന്ന ബസിലാണ് സംഭവം ഉണ്ടായത്. തിരുവനന്തപുരത്ത് നിന്ന് കയറിയ യാത്രക്കാരിയോട് കണ്ടക്ടര്‍ മോശമായി പെരുമാറിയെന്നാണ് പരാതി. ബസ് പാറശ്ശാലയില്‍ എത്തിയപ്പോള്‍ യുവതി ബഹളം വയ്ക്കുകയും തുടര്‍ന്ന് ബസ് നിര്‍ത്തുകയും ചെയ്തു. സ്ഥലത്തെത്തിയ പൊലീസുകാര്‍ നാട്ടുകാരോട് ആദ്യം തട്ടിക്കയറിയെന്ന ആക്ഷേപവും ഉയരുന്നുണ്ട്. നാട്ടുകാരുടെ പ്രതിഷേധത്തെ തുടര്‍ന്ന് പൊലീസ് ബസ് കസ്റ്റഡിയിലെടുത്തു. പാറശ്ശാല പൊലീസ് സ്റ്റേഷനില്‍ കണ്ടക്ടര്‍ക്കെതിരെ യാത്രക്കാരി മൊഴി നല്‍കി.
Post Your Comments