ആലപ്പുഴ : വിദ്യാര്‍ഥിനിയുടെ നഗ്‌നചിത്രങ്ങള്‍ സമൂഹമാധ്യമങ്ങളിലുടെ പ്രചരിപ്പിച്ച കേസില്‍ 2 പേര്‍ അറസ്റ്റില്‍. ആലപ്പുഴ പഴവീട് നാടാരുചിറ വിഷ്ണു ബാബു (19), പള്ളാത്തുരുത്തി തുണ്ടിപറമ്പ് അനന്തു(20) എന്നിവരാണ് പിടിയിലായത്. വിഷ്ണു ഹോട്ടല്‍ മാനേജ്‌മെന്റ് വിദ്യാര്‍ഥിയും അനന്തു രണ്ടാം വര്‍ഷ ബിരുദ വിദ്യാര്‍ഥിയുമാണ്. മോഷണക്കേസിലും വിഷ്ണു പ്രതിയാണെന്നു പൊലീസ് പറഞ്ഞു.
ദൃശ്യങ്ങള്‍ പ്രചരിപ്പിച്ചവരെ കണ്ടെത്താന്‍ സൈബര്‍ സെല്ലിന്റെ സഹായത്തോടെയും അന്വേഷണം ആരംഭിച്ചു. ഇരുവരുടെയും മൊബൈലില്‍ നിന്ന് ദൃശ്യങ്ങള്‍ കണ്ടെടുത്തു. സംഭവത്തില്‍ കൂടുതല്‍ പേര്‍ അറസ്റ്റിലാകുമെന്നു സൗത്ത് സിഐ എം.കെരാജേഷ് പറഞ്ഞു.
Post Your Comments