വടക്കഞ്ചേരിയില്‍ മദ്യപിച്ച് വഴക്കിട്ട മകനെ പിതാവ് വെട്ടിക്കൊന്നു

വടക്കഞ്ചേരി : കണ്ണമ്പ്ര പരുവാശേരില്‍ മദ്യപിച്ച് വഴക്കിട്ട മകനെ പിതാവ് വെട്ടിക്കൊന്നു. പരുവാശേരി കുന്നങ്കാട് മണ്ണാംപറമ്പ് വീട്ടില്‍ മത്തായിയുടെ മകന്‍ ബേസില്‍ (36) ആണ് കൊല്ലപ്പെട്ടത്. വീട്ടില്‍ മദ്യപിച്ച് സ്ഥിരം വഴക്കുണ്ടാക്കിയിരുന്നതായും ഇതില്‍ മനംമടുത്താണ് പിതാവ് ബേസിലിനെ വെട്ടിയതെന്നും പൊലീസ് പറഞ്ഞു. ഇന്നലെ രാത്രി 10 മണിയോടെ സംഭവം.

പുലര്‍ച്ചെ ഒരു മണിയോടെ മത്തായി സുഹൃത്തിനെ വിവരമറിയിച്ചു. വീട്ടിലെത്തിയ സുഹൃത്ത് രക്തത്തില്‍ കുളിച്ചു കിടക്കുന്ന ബേസിലിനെ കണ്ട് പൊലീസില്‍ വിവരം അറിയിക്കുകയായിരുന്നു. 10 മണിക്കു തന്നെ ഇയാള്‍ മരിച്ചിരുന്നതായി പൊലീസ് പറഞ്ഞു. സംഭവത്തില്‍ മത്തായിയെ (58) പൊലീസ് അറസ്റ്റ് ചെയ്തു. ഇസ്രയേലില്‍ നഴ്‌സ് ആയിരുന്ന ബേസില്‍ ഒരു വര്‍ഷമായി നാട്ടിലായിരുന്നു.