ദുർഗ്ഗയും, കാളിയും; രണ്ടു പേരും ഒന്നാണോ? മനസ്സിലാക്കിയിരിക്കേണ്ട കാര്യങ്ങൾ

ആരാണ് ദുര്‍ഗ്ഗ:

ഹൈന്ദവവിശ്വാസമനുസരിച്ച് ശിവപത്നിയായ ശ്രീപാർവ്വതി ദേവിയുടെ രൗദ്ര രൂപമാണ് ദുർഗ്ഗാദേവി. മഹിഷാസുരന്‍ തനിക്ക് കിട്ടിയ വരത്തിന്റെ ബലത്തില്‍ ഭൂമിയിലും ദേവ ലോകത്തുമെല്ലാം കാട്ടികൂട്ടിയ അക്രമങ്ങള്‍ അവസാനിപ്പിച്ച് ആ അസുരനെ വധിക്കുന്നതിനായി ദേവന്‍മാരുടെ അപേക്ഷപ്രകാരം ത്രിമൂര്‍ത്തികള്‍ തങ്ങളുടെ ശക്തി സമന്വയിപ്പിച്ച് നടത്തിയ ഒരു പുതിയ സൃഷ്ടിയാണ് ദുർഗ്ഗാദേവിയെന്നാണ് വിശ്വാസം. പതിനാറ് കൈകൾ ഉള്ളതും സിംഹത്തിന്റെ പുറത്ത് സഞ്ചരിക്കുന്നതുമായ ദേവിയായിട്ടാണ് ദുർഗ്ഗയെ കണക്കാക്കുന്നത്.

ആരാണ് കാളി:

ആദിമകാലഘട്ടത്തില്‍ ദ്രാവിഡരുടേയും പിന്നീട് ശാക്തേയരുടേയും കാലക്രമേണ ഹിന്ദുക്കളുടേയും ആരാധനാമൂർത്തിയായിത്തീർന്ന ദേവതയാണ്‌ കാളി. സംഹാരത്തിന്റെ ദേവതയായാണ് ഭദ്രകാളി അറിയപ്പെടുന്നത്. സൃഷ്ടിയുടെ കാരണം സ്ത്രീയാണ്‌ എന്ന കാഴ്ചപ്പാടിൽനിന്നായിരുന്നു ശാക്തേയര്‍ ശക്തിയുടെ പ്രതീകമായി കാളിയെ സ്വീകരിച്ചത്. എന്നാല്‍ പിന്നീട് കാളിയെന്നത് പാര്‍വ്വതി ദേവിയുടെ പര്യായമായി മാറുകയാണ് ചെയ്തത്.