മരടിലെ ഫ്ലാറ്റുകളിൽ സ്ഫോടനം നടത്താനുള്ള സമയക്രമം തീരുമാനിച്ചു

കൊച്ചി : മരടിലെ ഫ്ലാറ്റുകളിൽ സ്ഫോടനം നടത്താനുള്ള സമയക്രമം തീരുമാനിച്ചു. ജനുവരി 11നു രാവിലെ 11 മണിക്ക് ഹോളി ഫെയ്‌ത് ഫ്ലാറ്റ് ആയിരിക്കും സ്‌ഫോടനത്തിലൂടെ ആദ്യം പൊളിക്കുക. 11:30നു ആൽഫാ സെറിൻ കെട്ടിടം പൊളിച്ച് നീക്കും. ജനുവരി 12നു രാവിലെ 11നു ജെയ്ൻ കോറൽഗാവും ഉച്ചയ്ക്ക് 2 മണിക്ക് ഗോൾഡൻ കായലോരവും പൊളിക്കും.സ്ഫോടനം നടക്കുന്ന നാല് മണിക്കൂർ പരിസരവാസികൾ മാറി നിൽക്കുവാനും നിർദേശം.

Also read : രാത്രിയില്‍ യാത്രക്കാരിയെ സ്റ്റോപ്പില്‍ ഇറക്കാതെ പെരുവഴിയില്‍ ഇറക്കിവിട്ടു ഡ്രൈവറുടെ ക്രൂരത : ”നീ എന്തു നോക്കിയാണ് ഈ ബസില്‍ കയറിയത്, മേലില്‍ ഈ ബസില്‍ കയറരുത്” എന്നു ഡ്രൈവറുടെ ഭീഷണിയും

ഇൻഷൂറൻസ് തുക അന്തിമമാക്കിയെങ്കിലും ഏതെങ്കിലും വീടുകൾക്കോ വസ്തുക്കൾക്കോ കേടുപാടുകളോ സംഭവിച്ചാൽ അതിന് വിപണി വില അനുസരിച്ചുള്ള നഷ്ടപരിഹാരം കൂടി നൽകുമെന്നും യോഗത്തിൽ തീരുമാനമായി.  അതേസമയം  സ്ഫോടനം നടത്താൻ തീരുമാനമായെങ്കിലും സമീപവാസികളുടെ ആശങ്ക പരിഹരിക്കാൻ ജില്ലാ ഭരണകൂടത്തിന് സാധിച്ചിട്ടില്ല. ഫ്ലാറ്റുകൾ പൊളിക്കുന്നതിന് മുന്നോടിയായി പ്രദേശവാസികൾ മുഖ്യമന്ത്രിയെ കണ്ട് ആശങ്കയറിയിച്ചിരുന്നു. ഇതിനിടെയാണ് പൊളിക്കൽ തീയതി സബ് കളക്ടർ സ്നേഹിൽ കുമാർ പ്രഖ്യാപിച്ചിരിക്കുന്നത്.