ബ്രൗൺഷുഗറുമായി ഒരാൾ അറസ്റ്റിൽ : പിടിച്ചെടുത്തത് വിൽപ്പനക്കായി എത്തിച്ച ഇരുപതോളം പാക്കറ്റുകൾ

കൊണ്ടോട്ടി : ബ്രൗൺഷുഗറുമായി ഒരാൾ അറസ്റ്റിൽ. കൊണ്ടോട്ടിയിൽ കുഴിമണ്ണ ചെറുപറമ്പ് കടക്കോട്ടിരി ശംസുദ്ദീൻ എന്ന പപ്പടം ശംസു (44)വാണ് പിടിയിലായത്. കവിതാ തീയറ്ററിനു സമീപം വിൽപ്പനക്കിടെയാണ് ഇയാൾ പിടികൂടിയത്. ഇരുപതോളം പാക്കറ്റ് ബ്രൗൺഷുഗറാണ് ഇയാളിൽ നിന്നും പിടിച്ചെടുത്തത്.

Also read : ഇരട്ടക്കൊലപാതകക്കേസിലെ പ്രതി കോടതി മുറിയില്‍ വെടിയേറ്റ് കൊല്ലപ്പെട്ടു

രണ്ട് വർഷം മുമ്പ് 22 കിലോ കഞ്ചാവുമായി ശംസുദ്ദീനെ മലപ്പുറം എക്‌സൈസ് പിടികൂടിയിരുന്നു. ഈ കേസിൽ ജാമ്യത്തിലിറങ്ങിയ ശേഷമാണ് പ്രതി ബ്രൗൺഷുഗർ വിൽപനയിലേക്ക് തിരിഞ്ഞത്. കഴിഞ്ഞ 10 ദിവസത്തിനുള്ളിൽ 14 കിലോ കഞ്ചാവും 100 ഓളം പാക്കറ്റ് ബ്രൗൺ ഷുഗറും മയക്കുഗുളികളും ജില്ലാ ആന്റി നർക്കോട്ടിക്ക് സ്‌ക്വാഡ് പിടിച്ചെടുത്തിരുന്നു.സംഭവത്തിൽ ഇതര സംസ്ഥാന തൊഴിലാളിയടക്കം അഞ്ച് പേരാണ് പിടിയിലായത്.