ഉന്നാവ് ബലാത്സംഗ കേസ് : നിർണായക തീരുമാനവുമായി കോടതി

ന്യൂ ഡൽഹി : ഉത്തർപ്രദേശിലെ ഉന്നാവ് ബലാത്സംഗ കേസിൽ ബിജെപി മുൻ എംഎൽഎ സെനഗർ കുറ്റക്കാരനെന്നു ഡൽഹി ടീസ് ഹസാരി കോടതി കണ്ടെത്തി. ഒൻപതു പ്രതികളിൽ ഒരാളെ വെറുതെ വിട്ടു. ഇ​ന്ത്യ​ന്‍ ശി​ക്ഷാ നി​യ​മ​ത്തി​ലെ​യും പോ​ക്​​സോ​യി​ലെ​യും വി​വി​ധ വ​കു​പ്പു​ക​ളാ​ണ് സെനഗറിനും, കൂ​ട്ടാ​ളി​ക​ള്‍​ക്കും മേൽ ചുമത്തിയിരിക്കുന്നത്. ബുധനാഴ്ച് കോടതി ശിക്ഷ വിധിക്കും.

2017-ൽ എംഎൽഎയായിരിക്കെ കുൽദീപ് സെംഗാർ ജോലി വാഗ്ദാനം ചെയ്ത് യുവതിയെ വിളിച്ച് വരുത്തി തട്ടിക്കൊണ്ടുപോയി ബലാത്സംഗത്തിന് ഇരയാക്കിയെന്നാണ് കേസ്.  13 ​പ്രോ​സി​ക്യൂ​ഷ​ന്‍ സാ​ക്ഷി​ക​ളെ​യും ഒൻപത് ​ ​പ്ര​തി​ഭാ​ഗം സാ​ക്ഷി​ക​ളെ​യുമാണ് വി​സ്​​ത​രി​ച്ചത്. പെ​ണ്‍​കു​ട്ടി​യു​ടെ അ​മ്മ​യും അ​മ്മാ​വ​നു​മാ​ണ്​ പ്ര​ധാ​ന സാ​ക്ഷി​ക​ള്‍. ഡിസംബർ 10-നാണ് കേസിന്‍റെ വിചാരണ പൂർത്തിയായത്. ഉത്തർപ്രദേശിൽ കേസിന്‍റെ വിചാരണ നടക്കവേ ഇരയായ യുവതി ഒരു വാഹനാപകടത്തിൽ ഗുരുതരമായി പരിക്കേറ്റ് ആശുപത്രിയിലായതോടെ സുപ്രീംകോടതി ഇടപെട്ട് കേസ് ഡൽഹിയിലേക്ക് മാറ്റുകയായിരുന്നു. സുപ്രീംകോടതി ചീഫ് ജസ്റ്റിസിന് പെൺകുട്ടി എഴുതിയ കത്ത് പ്രകാരമാണ് നടപടി.

Also read : ജാമിയ, അലിഗഢ് സര്‍വകലാശാലയിലെ വിദ്യാര്‍ത്ഥികള്‍ക്ക് പിന്തുണയുമായി പാര്‍വതി

യുവതിയെ തുടർച്ചയായി കൊല്ലുമെന്ന് ഭീഷണിപ്പെടുത്തിയിരുന്ന കുൽദീപ് സെംഗാറിന്‍റെ അനുജനും അനുയായികളുമാണെന്ന് കുടുംബം ആരോപിച്ചതോടെ സെംഗാറിനെ അടക്കം പ്രതി ചേർത്ത വാഹനാപകടക്കേസിന്‍റെ വിചാരണ മറ്റൊരു കോടതിയിൽ പുരോഗമിക്കുകയാണ്. 2018 ഏപ്രിൽ 3-ന് യുവതിയുടെ അച്ഛനെ പോലീസ് അനധികൃതമായി ആയുധം കൈവശം വച്ചെന്ന് ആരോപിച്ച് അറസ്റ്റ് ചെയ്തിരുന്നു ഏപ്രിൽ 9-ന് ഇവരുടെ അച്ഛൻ പൊലീസ് കസ്റ്റഡിയിൽ കൊല്ലപ്പെട്ടു.

യുവതിയുടെ കുടുംബത്തിന് ഇപ്പോൾ സിആർപിഎഫ് സുരക്ഷ നൽകിയിട്ടുണ്ട്. ഡൽഹിയിൽ വനിതാ കമ്മീഷന്‍റെ സംരക്ഷണയിൽ വാടകയ്ക്ക് എടുത്ത കെട്ടിടത്തിലാണ് യുവതിയും കുടുംബവും ഇപ്പോൾ താമസിക്കുന്നത്.