വൈപ്പിന്‍ : വഴിയില്‍ യുവതിയെ ആക്രമിച്ചതിനു ടാക്സി ഡ്രൈവര്‍ പിടിയില്‍. മുനമ്പം പൊലീസ് അറസ്റ്റ് ചെയ്ത അയ്യമ്പിള്ളി സ്വദേശി ശബരി കൃഷ്ണ(26)യെ റിമാന്‍ഡ് ചെയ്തു. തെളിവെടുപ്പിനായി ഇയാളെ കസ്റ്റഡിയില്‍ വാങ്ങുമെന്നു പൊലീസ് അറിയിച്ചു. പീഡിപ്പിക്കാന്‍ ശ്രമിച്ചപ്പോള്‍ വഴങ്ങാതിരുന്നതിനെ തുടര്‍ന്നാണ് ഇയാള്‍ യുവതിയെ ആക്രമിച്ചതെന്നു പൊലീസ് പറഞ്ഞു.
എടവനക്കാട് സ്വദേശിയായ ഇരുപത്തൊന്നുകാരിയാണ് കഴിഞ്ഞ ദിവസം രാത്രി അയ്യമ്പിള്ളിയില്‍ ആക്രമണത്തിനിരയായത്.തലയില്‍ ഇടിയേറ്റ പരുക്കുണ്ട്. പീഡനശ്രമ വിവരം പ്രതിയുടെ വീട്ടുകാരെ അറിയിക്കാന്‍ എത്തിയപ്പോഴാണു യുവതിയെ ആക്രമിച്ചതെന്നു പൊലീസ് പറഞ്ഞു.
Post Your Comments