മുംബൈ•മുംബൈയിലെ കടൽത്തീരത്ത് അജ്ഞാതന്റെ ശരീരഭാഗങ്ങൾ സ്യൂട്ട്‌കേസിൽ നിറച്ച നിലയിൽ കണ്ടെത്തി. തിങ്കളാഴ്ച വൈകുന്നേരം മഖ്ദൂം ഷാ ബാബ ദേവാലയത്തിനടുത്തുള്ള മഹിം ബീച്ചിൽ വെള്ളത്തിൽ പൊങ്ങിക്കിടക്കുന്ന കറുത്ത സ്യൂട്ട്കേസ് ചില വഴിയാത്രക്കാർ കണ്ടു. തുടര്‍ന്ന് അവര്‍ പോലീസിനെ അറിയിക്കുകയും . സംഭവസ്ഥലത്തെത്തിയ പോലീസ് സ്യൂട്ട്കേസ് പുറത്തെടുത്ത് പരിശോധിച്ച പോലീസ് , സ്യൂട്ട്‌കേസിനുള്ളിൽ പ്ലാസ്റ്റിക് ബാഗിൽ തോളിൽ നിന്ന് മുറിച്ചെടുത്ത ഒരു കൈ, കാലിന്റെ ഒരു ഭാഗം, സ്വകാര്യ ഭാഗങ്ങൾ എന്നിവ കണ്ടെത്തി.
മൃതദേഹങ്ങൾ പരിശോധനയ്ക്കായി സിവിൽ ആശുപത്രിയിലേക്ക് അയച്ചതായി പോലീസ് പറഞ്ഞു. മരിച്ചയാളെ തിരിച്ചറിയാനുള്ള ശ്രമങ്ങൾ തുടരുകയാണെന്നും നഗരത്തിലും പ്രാന്തപ്രദേശങ്ങളിലും കാണാതായവരുടെ പരാതികൾ പോലീസ് പരിശോധിക്കുന്നുണ്ടെന്നും ഉദ്യോഗസ്ഥർ പറഞ്ഞു. സെക്ഷൻ 302 (കൊലപാതകം), 201 (കുറ്റകൃത്യത്തിന്റെ തെളിവുകൾ നശിപ്പിക്കല്‍) എന്നിവ പ്രകാരം അജ്ഞാതർക്കെതിരെ കേസ് രജിസ്റ്റർ ചെയ്തിട്ടുണ്ട്.
Post Your Comments