ഹെല്‍മറ്റ് പരിശോധനയ്ക്ക് ഇറങ്ങുന്ന ഉദ്യോഗസ്ഥർമാർക്ക് പുതിയ നിർദേശങ്ങൾ

തി​രു​വ​ന​ന്ത​പു​രം: ഹെ​ല്‍​മെ​റ്റ് പ​രി​ശോ​ധ​ന​യ്ക്ക് ഇ​റ​ങ്ങു​ന്ന പോ​ലീ​സു​കാർക്ക് നിർദേശങ്ങളുമായി പുതിയ ഡിജിപിയുടെ സർക്കുലർ. ഹെല്‍മറ്റ് പരിശോധന കര്‍ശനമായിരിക്കണമെന്നും എന്നാൽ അതിന്റെ പേരിൽ യാത്രക്കാരുടെ ദേഹത്ത് തൊടുകയോ ദേഷ്യപ്പെടുകയോ ചെയ്യരുതെന്നും സംസ്ഥാന പൊലീസ് മേധാവി ലോക്‌നാഥ് ബെഹ്റ അറിയിച്ചു. പ​രി​ശോ​ധ​ന​യ്ക്കാ​യി പ​ര​മാ​വ​ധി സാ​ങ്കേ​തി​ക സം​വി​ധാ​ന​ങ്ങ​ള്‍ ഉ​പ​യോ​ഗി​ക്ക​ണം. പ​രി​ശോ​ധ​നാ ച​ട്ട​ത്തി​ല്‍ നി​ര്‍​ദേ​ശി​ച്ചി​ട്ടു​ള്ള​തു പോ​ലെ എ​സ്‌ഐ​യോ അ​തി​നു മു​ക​ളി​ലു​ള്ള ഉ​ദ്യോ​ഗ​സ്ഥ​ന്‍റെ​യോ നേ​തൃ​ത്വ​ത്തി​ലാ​ക​ണം പ​രി​ശോ​ധ​ന ന​ട​ത്തേ​ണ്ടതെന്നും നിർദേശത്തിൽ പറയുന്നു.

Read also: ഇരുചക്ര പിൻസീറ്റ് യാത്രക്കാരുടെ ഹെൽമറ്റ് നിയമം; ഇന്ന് നടത്തിയ പരിശോധനയില്‍ മലപ്പുറത്ത് നിന്ന് മാത്രം പിഴയിനത്തില്‍ ഈടാക്കിയത് രണ്ടേമുക്കാല്‍ ലക്ഷം രൂപ; കൂടുതൽ വിവരങ്ങൾ ഇങ്ങനെ

പ​രി​ശോ​ധ​ന​യ്ക്കി​ടെ വാ​ഹ​ന​ങ്ങ​ള്‍ നി​ര്‍​ത്തി​യി​ല്ലെ​ങ്കി​ല്‍ അ​പ​ക​ട​മു​ണ്ടാ​ക്കു​ന്ന ത​ര​ത്തി​ല്‍ അ​വ​യെ പി​ന്തു​ട​ര്‍​ന്ന് പി​ടി​കൂ​ടാ​ന്‍ ശ്ര​മി​ക്ക​രു​ത്. വാ​ഹ​ന പ​രി​ശോ​ധ​ന ന​ട​ത്തു​ന്ന​തു നി​ര്‍​ബ​ന്ധ​മാ​യും കാ​മ​റ​യി​ല്‍ പ​ക​ര്‍​ത്ത​ണം. എ​ന്തെ​ങ്കി​ലും അ​നി​ഷ്ട സം​ഭ​വ​മു​ണ്ടാ​യാ​ല്‍ ജി​ല്ലാ പോ​ലീ​സ് മേ​ധാ​വി​മാ​ര്‍​ക്കാ​യി​രി​ക്കും ഉ​ത്ത​ര​വാ​ദി​ത്ത​മെ​ന്നും നി​ര്‍​ദേ​ശ​ങ്ങ​ളി​ല്‍ മു​ന്ന​റി​യി​പ്പ് ന​ല്‍​കി​യി​ട്ടു​ണ്ട്.