അപകടം: അങ്കമാലിയിൽ സ്വകാര്യ ബസും ഓട്ടോ റിക്ഷയും കൂട്ടിയിടിച്ച് നാല് മരണം

അങ്കമാലി: അങ്കമാലിയിൽ സ്വകാര്യ ബസും ഓട്ടോ റിക്ഷയും കൂട്ടിയിടിച്ച് നാല് പേർക്ക് ദാരുണാന്ത്യം. ഓട്ടോ യാത്രക്കാരായ മൂന്ന് സ്ത്രീകളും ഓട്ടോ ഡ്രൈവറുമാണ് മരിച്ചത്. ഇടിയുടെ ആഘാതത്തിൽ ഓട്ടോ റിക്ഷ പൂർണ്ണമായും തകർന്നു. രാവിലെ 7:30 ഓടെയാണ് അപകടം നടന്നത്. ബസ്സിനടിപ്പെട്ട ഓട്ടോ വെട്ടിപ്പൊളിച്ചാണ് ആളുകളെ വെളിയിലെടുത്തത്. ഇവരുടെ മൃതദേഹങ്ങൾ ആശുപത്രിയിലേക്ക് മാറ്റി.

ALSO READ: വീണ്ടും പാമ്പ് വില്ലനായി , അധ്യാപകരുടെ അവസരോചിത ഇടപെടല്‍ മൂലം വിദ്യാർത്ഥിക്ക് ജീവൻ തിരിച്ചു കിട്ടി

മരിച്ചവരുടെ വിശദാംശങ്ങൾ ലഭ്യമായിട്ടില്ല. പോക്കറ്റ് റോഡിൽ നിന്ന് ഓട്ടോറിക്ഷ കയറിവരുന്നതിനിടെയിലായിരുന്നു അപകടം. ഓട്ടോറിക്ഷയ്ക്ക് സാങ്കേതിക തകരാർ ഉണ്ടായിരുന്നതായി സംശയിക്കുന്നു.