അമിതവേഗതയില്‍ എത്തിയ കാർ ഫ്ലൈഓവറിൽ നിന്നും താഴേക്ക് വീണു : യുവതിക്ക് ദാരുണാന്ത്യം, ആറ് പേര്‍ക്ക് പരിക്കേറ്റു : അപകടത്തിന്റെ ഞെട്ടിക്കുന്ന ദൃശ്യങ്ങൾ പുറത്ത്

ഹൈദരാബാദ്: അമിതവേഗതയില്‍ എത്തിയ കാർ പുതിയതായി തുറന്ന ഫ്ലൈഓവറിൽ നിന്നും താഴേക്ക് വീണു യുവതിക്ക് ദാരുണാന്ത്യം. ഹൈദരാബാദിലെ ഗച്ചിബൗളിയില്‍ ശനിയാഴ്ച ഉച്ചയോടെ ഏറ്റവും തിരക്കേറിയ ഭാഗത്തുണ്ടായ അപകടത്തിൽ കാര്‍ ശരീരത്തിലേക്ക് വീണാണ് യുവതി മരിച്ചത്. ആറ് പേര്‍ക്ക് പരിക്കേറ്റു.  ഫ്ലൈഓവറിലേക്ക് എത്തിയ ചുവന്ന കാര്‍. പിന്നീട് ചെറിയ വളവ് തിരിക്കാന്‍ ശ്രമിക്കുന്നതിനിടെ നിയന്ത്രണം തെറ്റി,കൈവരികള്‍ തകര്‍ത്ത് താഴേക്ക് വീഴുകയായിരുന്നു. എയര്‍ബാഗ് ഉണ്ടായതിനാല്‍ ഡ്രൈവര്‍ രക്ഷപ്പെട്ടുവെന്നും, മിലന്‍ എന്നയാളാണ് കാര്‍ ഓടിച്ചതെന്ന് പോലീസ് അറിയിച്ചു.

Hair raising videos of the car which fell off the newly opened biodiversity flyover. One woman was killed in the accident.https://t.co/qGwFmZAyXy pic.twitter.com/cM9daAGFlN

— Bala (@Bala__G) November 23, 2019

Also read : ആ വീഡിയോ ഷഹലയുടേതല്ല, വൈറല്‍ വിഡിയോക്ക് പിന്നിലെ സത്യം വെളിപ്പെടുത്തി അധ്യാപകന്‍

അതേസമയം അപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങൾ സമൂഹ മാധ്യമത്തിലൂടെ പുറത്തു വന്നു. കാര്‍ ഫ്ലൈഓവറിന്‍റെ കൈവരിയും തകര്‍ത്ത് താഴേക്ക് പതിക്കുന്നതിന്റെ ദൃശ്യങ്ങളാണ് വീഡിയോയിൽ ഉള്ളത്. മൂന്ന് വീഡിയോകളാണ് സോഷ്യല്‍മീഡിയകളില്‍ പ്രചരിച്ചത്.