ചെന്നൈ: ഉലക നായകൻ കമൽഹാസൻ നേതൃത്വം നൽകുന്ന മക്കൾ നീതി മയ്യം പാർട്ടിയുമായി സഹകരിച്ച് പ്രവർത്തിക്കാൻ മടിയില്ലെന്ന് സൂപ്പർ സ്റ്റാർ രജനികാന്ത്. തമിഴ്‌നാട്ടിലെ ജനങ്ങളുടെ ഉന്നമനത്തിനായി സഹകരിച്ച് മുന്നോട്ട് പോകാൻ മടിയില്ല. അത്തരമൊരു സാഹചര്യമുണ്ടായാൽ ഒരുമിച്ച് പ്രവർത്തിക്കുമെന്നും രജനി പറഞ്ഞു. ജനങ്ങളുടെ നന്മയ്‌ക്കായി ഒരുമിച്ച് പ്രവത്തിക്കുന്നതിൽ കുഴപ്പമില്ലെന്ന് പത്രസമ്മേളനത്തിന് ശേഷം കമൽഹാസൻ വ്യക്തമാക്കി.
2021ലെ തമിഴ്‌നാട് നിയമസഭാ തെരഞ്ഞെടുപ്പ് മുന്നിൽ കണ്ടാണ് ഇരുവരും ഒരുമിക്കാനുള്ള ശ്രമം നടത്തുന്നതെന്നാണ് റിപ്പോർട്ട്. രാഷ്‌ട്രീയസാഹചര്യം പരിഗണിച്ച് തീരുമാനം കൈക്കൊള്ളുമെന്ന നിലപാടിലാണ് രജനികാന്തും കമൽഹാസനുമുള്ളത്.
അടുത്തവർഷം ഓഗസ്റ്റിലോ സെപ്റ്റംബറിലോ രജനികാന്തിൻ്റെ രാഷ്ട്രീയ പാർട്ടിയുടെ പ്രഖ്യാപനം ഉണ്ടാകുമെന്നാണ് സൂചന. തന്‍റെ ഫാൻ ക്ലബ്ബ് രാഷ്ട്രീയ പാർട്ടിയായി മാറ്റാനാണ് രജനിയുടെ ശ്രമം. പാർട്ടിയുടെ നിയമങ്ങളുടെയും നയങ്ങളുടെയും രൂപീകരണം അവസാന ഘട്ടത്തിലാണെന്നാണ് റിപ്പോർട്ടുകൾ സൂചിപ്പിക്കുന്നത്.
Post Your Comments