തൃപ്പൂണിത്തുറ: ഉദ്യോഗാര്‍ത്ഥികള്‍ക്ക് സൗജന്യ പിഎസ്‌സി പരിശീലനം നല്‍കി തൃപ്പൂണിത്തുറ ഹില്‍ പാലസ് പോലീസ് സ്‌റ്റേഷനിലെ പോലീസുകാർ. രണ്ട് ബാച്ചുകളിലായി ഇരുന്നൂറോളം പേരാണ് പഠിക്കാന്‍ എത്തുന്നത്. പോലീസ് സ്റ്റേഷന്റെ മുകളിലെ നിലയിലെ ഹാളിലാണ് കോച്ചിംഗ് ക്ലാസ് നടക്കുന്നത്. ശനിയും ഞായറും ഉച്ചവരെയാണ് ക്ലാസ്. വിദ്യാ സമ്പന്നരായവര്‍ക്ക് നല്ല ജോലി ലഭിച്ചാല്‍ കുറ്റകൃത്യങ്ങള്‍ കുറയുകയും അതുവഴി പോലീസിന്റെ ജോലിഭാരം ഇല്ലാതാകുകയും ചെയ്യുമെന്നാണ് പോലീസുകാരുടെ കണക്ക് കൂട്ടൽ. സിലബസ് അനുസരിച്ചാണ് പഠനം പുരോഗമിക്കുന്നത്. വിഷയത്തില്‍ നേരത്തെ ക്ലാസ് എടുത്ത് പരിചയ സമ്പന്നരായ അധ്യാപകരും പോലീസുകാരുമാണ് ക്ലാസ് നയിക്കുന്നത്. മികച്ച പ്രതികരണമാണ് ക്ലാസ് നടക്കുന്നത്.
Post Your Comments