പത്തനംതിട്ട: മണ്ഡലകാല മകരവിളക്ക് തീര്‍ത്ഥാടനത്തിനായി ശബരിമല നടതുറക്കാനിരിക്കെ സന്നിധാനത്ത് പൊലീസുകാരന് കുഴഞ്ഞുവീണ് മരിച്ചു. കോഴിക്കോട് സ്വദേശിയായ ബിജുവാണ് (32 )മരിച്ചത്. സുരക്ഷ ചുമതലയ്ക്കായി നിയോഗിക്കപ്പെട്ട ഇദ്ദേഹം, മലപ്പുറം എം.എസ്.പി ക്യാംപിലെ പൊലീസ് ഉദ്യോഗസ്ഥനാണ്. ഡ്യൂട്ടിക്കിടെ കുഴഞ്ഞ് വീഴുകയായിരുന്നു.
ഉടന്‍ തന്നെ മറ്റ് സുരക്ഷാ ഉദ്യോഗസ്ഥരെത്തി രക്ഷിക്കാന്‍ ശ്രമിച്ചെങ്കിലും മരണം സംഭവിച്ചിരുന്നു.ഹൃദയാഘാതമാണ് മരണകാരണമെന്നാണ് സംശയം. ശബരിമല തീര്‍ത്ഥാടനകാല സുരക്ഷയ്ക്കായി അഞ്ചു സെക്റ്ററുകളിലായി പതിനായിരം പോലീസുകാരെയാണ് വിന്യസിച്ചിരിക്കുന്നത്. ശക്തമായ സുരക്ഷാ ക്രമീകരണങ്ങളാണ് ഇത്തവണയും ശബരിമലയില്‍ ഒരുക്കിയിരിക്കുന്നത്.
Post Your Comments