അടുക്കളയില്‍ ഇന്ന് സര്‍വ സാധാരണമാണ് പ്രഷര്‍ കുക്കറുകള്‍. എന്നാല്‍ കുക്കര്‍ അപകടങ്ങള്‍ പതിവാകുന്നു. അതിനാല്‍ കുക്കര്‍ ഉപയോഗിയ്ക്കുമ്പോള്‍ ചില കാര്യങ്ങള്‍ ശ്രദ്ധിയ്‌ക്കേണ്ടതാണ്..
കുക്കറിന്റെ സേഫ്റ്റി വാല്‍വ് അതാതു സമയത്തു തന്നെ മാറാന്‍ ശ്രദ്ധിക്കണം. അതേ കമ്ബനിയുടെ തന്നെ നോക്കി വാങ്ങിക്കുകയും വേണം. ഒരു കുക്കറിന്റ വാല്‍വ് മറ്റൊരു കുക്കറിന് പാകമായെന്നു വരില്ല. മാത്രമല്ലാ, ഇവ അപകടസാധ്യത വര്‍ദ്ധിപ്പിക്കുകയും ചെയ്യും.
ഓരോ ദിവസവും ഉപയോഗം കഴിയുമ്പോാള്‍ വാഷറും വെയ്റ്റും എല്ലാം വൃത്തിയാക്കി വയ്ക്കണം. ഇതില്‍ ആഹാര വസ്തുക്കള്‍ പറ്റിപിടിക്കാതെ ശ്രദ്ധിക്കണം.
പ്രഷര്‍ കുക്കറില്‍ ഒരിക്കലും മുഴുവനായും ആഹാരം വയ്ക്കരുത്. പകുതി മാത്രമെ വയ്ക്കാവൂ. വല്ലാതെ കുത്തിനിറച്ച് ഭക്ഷണം പാകം ചെയ്താല്‍ കുക്കര്‍ കേടാവുകയും ചെയ്യും.
ആവി മുഴുവനും പോകാതെ കുക്കറിന്റെ അടപ്പ് തുറക്കരുത്. പെട്ടെന്ന് കുക്കര്‍ തുറക്കേണ്ടി വന്നാല്‍ പച്ചവെള്ളത്തില്‍ ഇറക്കി വച്ചിട്ടു തുറക്കുക. അല്ലെങ്കില്‍ പച്ചവെള്ളം കുക്കറിന് മുകളിലേക്ക് തുറന്നൊഴിക്കുക.
പയര്‍ പരിപ്പ് എന്നിവ വേവിക്കുമ്‌ബോള്‍ ആവശ്യത്തിന് വെള്ളം വയ്ക്കുക.
എല്ലാ ദിവസവും ഉപയോഗിച്ച ശേഷം പ്രഷര്‍കുക്കര്‍ വൃത്തിയാക്കി വയ്ക്കുക
Post Your Comments