ജിയോയെ പിന്നിലാക്കൻ പുതിയ പ്രീപെയ്ഡ് പ്ലാനുമായി വോഡാഫോണ്‍

മുംബൈ : ജിയോയെ പിന്നിലാക്കൻ പുതിയ പ്രീപെയ്ഡ് പ്ലാനുമായി വോഡാഫോണ്‍. 569 രൂപയുടെ ഓഫറാണ് അവതരിപ്പിച്ചത്. 3 ജിബി പ്രതിദിന ഡാറ്റ, പരിധിയില്ലാത്ത വോയ്‌സ് കോൾ, 100 എസ്എംഎസ് എന്നിവ 84 ദിവസത്തെ കാലാവധിയോട് കൂടി ലഭിക്കുന്നു. മൊത്തം 225 ജിബി ഡാറ്റയാകും ലഭിക്കുക. എയര്‍ടെൽ ജൂണിൽ പുറത്തിറക്കിയ 558 രൂപയുടെ പ്രീപെയ്ഡ് പ്ലാനുമായിട്ടും ഈ പ്ലാൻ മത്സരിക്കുന്നുണ്ട്. വോയ്‌സ് കോളുകള്‍, 3 ജിബി പ്രതിദിന ഡാറ്റ, പ്രതിദിനം 100 എസ്എംഎസുകള്‍ എന്നിവ 82 ദിവസത്ത കാലാവധിയിൽ എയർടെൽ പ്ലാനിലും ലഭിക്കുന്നത്. എയര്‍ടെല്‍ എക്സ്സ്ട്രീം പ്രീമിയം സബ്‌സ്‌ക്രിപ്ഷനിലേക്ക് സൗജന്യ ആക്‌സസ് പ്ലാനും ഇതോടൊപ്പം ലഭ്യമാണ്.

അതേസമയം വോഡാഫോൺ പ്രീമിയം ഉപഭോക്തൃ സേവന അനുഭവം വാഗ്‌ദാനം ചെയ്യുന്ന റെഡ് എക്‌സ് പോസ്റ്റ്‌പെയ്ഡ് പ്ലാനും അവതരിപ്പിച്ചിട്ടുണ്ട്. 999 രൂപയ്ക്ക് പരിധിയില്ലാത്ത ഡാറ്റയും ഉപയോക്താക്കള്‍ക്കുള്ള കോളുകളും ഉപയോഗിക്കുവാൻ സാധിക്കും.
നെറ്റ്ഫ്‌ലിക്‌സ്, ആമസോണ്‍ പ്രൈം, സീ 5, വോഡഫോണ്‍ പ്ലേ എന്നിവ പോലുള്ള വീഡിയോ സ്ട്രീമിംഗ് ആപ്ലിക്കേഷൻ ഒരു മാസത്തേക്ക് സൗജന്യമായി ഈ പ്ലാനിൽ ലഭ്യമാക്കിയിട്ടുണ്ട്

Also read : പുതിയ റീചാർജ് പ്ലാനുമായി വോഡാഫോണ്‍