ആഗ്ര•തര്‍ക്കഭൂമി ഹിന്ദുക്കള്‍ക്ക് കൈമാറിക്കൊണ്ടുള്ള സുപ്രീംകോടതിയുടെ അയോദ്ധ്യ വിധി പുറത്തുവന്നതിന് പിന്നാലെ, രാമക്ഷേത്രം പണിയുന്നതിനായി പണം സംഭാവന നൽകി നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യ (എൻ‌എസ്‌യുഐ) ജില്ലാ പ്രസിഡന്റ്.
എസ്‌യുഐ ജില്ലാ പ്രസിഡന്റ് ബിലാൽ അഹമ്മദ് 1,100 രൂപയുടെ ചെക്ക് ജില്ലാ ഭരണകൂടത്തിന് കൈമാറി.
‘എന്റെ ഭാഗത്ത് നിന്ന് രണ്ട് ഇഷ്ടികകൾ ക്ഷേത്രത്തിൽ ഉൾപ്പെടുത്തിയാൽ ഞാൻ വളരെ സന്തോഷവാനാണ്’- കളക്ടറേറ്റിലെ സിറ്റി മജിസ്‌ട്രേറ്റ് അരുൺ കുമാർ യാദവിന് ചെക്ക് കൈമാറിക്കൊണ്ട് ബിലാല്‍ പറഞ്ഞു.
‘കോടതി ഇക്കാര്യത്തിൽ ശ്രദ്ധേയമായ തീരുമാനമെടുത്തു. ഇത് ആരുടേയും വിജയമോ നഷ്ടമോ അല്ല. സന്തോഷിപ്പിക്കുന്ന ഏറ്റവും വലിയ കാര്യം വലതുപക്ഷ രാഷ്ട്രീയക്കാർ സമൂഹത്തിൽ വിദ്വേഷം വളർത്താൻ ഉപയോഗിച്ച ഒരു പഴയ തർക്കം ഒടുവിൽ അവസാനിച്ചു എന്നതാണ്. സമ്പദ്‌വ്യവസ്ഥയെ ശക്തിപ്പെടുത്തുന്നതിലും യുവജനങ്ങൾക്ക് തൊഴിലവസരങ്ങൾ സൃഷ്ടിക്കുന്നതിലും സർക്കാർ ശ്രദ്ധ കേന്ദ്രീകരിക്കുമെന്ന് ഇപ്പോള്‍ പ്രതീക്ഷിക്കുന്നു’- കോടതി വിധിയില്‍ സന്തോഷം പ്രകടിപ്പിച്ചുകൊണ്ട് ബിലാല്‍ പറഞ്ഞു.
Post Your Comments