ശാ​ന്ത​ന്‍​പാ​റ കൊ​ല​പാ​ത​കം: റിസോര്‍ട്ട് മാനേജറും ലി​ജി​യും വി​ഷം കഴിച്ചു, കുഞ്ഞ് മരിച്ചു

ഇടുക്കി: ശാന്തന്‍പാറ റിജോഷ് കൊലപാതകത്തില്‍ മു​ഖ്യ​പ്ര​തി​യാ​യ റി​സോ​ര്‍​ട്ട് മാ​നേ​ജ​ര്‍ വ​സീ​മി​നെ​യും റി​ജോ​ഷി​ന്‍റെ ഭാ​ര്യ ലി​ജി​യെ​യും വി​ഷം ക​ഴി​ച്ച നി​ല​യി​ല്‍ ക​ണ്ടെ​ത്തി. ഇരുവരെയും ഗുരുതരാവസ്ഥയില്‍ പനവേല്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ഒപ്പമുണ്ടായിരുന്ന ലിജിയുടെ രണ്ടരവയസ്സുളള മകള്‍ മരിച്ചു. റിജോഷ് കൊലപാതകത്തില്‍ പ്രതികളെ കണ്ടെത്താനുളള ശ്രമം തുടരുന്നതിനിടെയാണ് സംഭവം.
പുത്തടിയില്‍ മുല്ലൂര്‍ വീട്ടില്‍ റിജോഷിനെ കൊലപ്പെടുത്തിയ കേസിലെ പ്രതികളാണ് റിജോഷിന്റെ ഭാര്യ ലിജിയും വസീമും.

Read also: ശാന്തമ്പാറ റിസോർട്ട് കൊലപാതകം: പ്രധാന പ്രതികളെക്കുറിച്ച് വ്യക്തമായ സൂചന ലഭിച്ചിട്ടുണ്ടെണ് പൊലീസ്; കൂടുതൽ വിവരങ്ങൾ പുറത്ത്

ഒ​ക്‌​ടോ​ബ​ര്‍ 31 മു​ത​ല്‍ കാ​ണാ​താ​യ റി​ജോ​ഷി​ന്‍റെ മൃ​ത​ദേ​ഹം ഫാം ​ഹൗ​സി​ന്‍റെ സ​മീ​പ​ത്തു നി​ര്‍​മി​ക്കു​ന്ന മ​ഴ​വെ​ള്ള സം​ഭ​ര​ണി​യോ​ടു ചേ​ര്‍​ന്നു കു​ഴി​ച്ചി​ട്ട നി​ല​യി​ല്‍ വ്യാ​ഴാ​ഴ്ച​യാ​ണ് ക​ണ്ടെ​ത്തി​യ​ത്. കേ​സി​ല്‍ വ​സീ​മി​ന്‍റ സ​ഹോ​ദ​ര​ന്‍ ഫ​ഹ​ദി​നെ(25) വെ​ള്ളി​യാ​ഴ്ച ശാ​ന്ത​ന്‍​പാ​റ പോ​ലീ​സ് അ​റ​സ്റ്റ് ചെ​യ്തി​രു​ന്നു. അ​ന്വേ​ഷ​ണം പു​രോ​ഗ​മി​ച്ച​തോ​ടെ ക​ഴി​ഞ്ഞ നാ​ലി​ന് ഇ​രു​വ​രും കു​ട്ടി​യു​മാ​യി നാ​ടു​വി​ടു​ക​യാ​യി​രു​ന്നു. കൊ​ല​പാ​ത​കം താ​ന്‍ ​ത​ന്നെ ന​ട​ത്തി​യ​താ​ണെ​ന്ന് പ​റ​യു​ന്ന വ​സി​മി​ന്‍റെ വീ​ഡി​യോ പി​ന്നീ​ട് പു​റ​ത്തു​വ​ന്നി​രു​ന്നു.കൊല നടത്തിയത് താന്‍ മാത്രമാണെന്നും മറ്റാര്‍ക്കും കൃത്യത്തില്‍ പങ്കില്ലെന്നും, അനിയനെയും കൂട്ടുകാരെയും വെറുതെ വിടണമെന്നും വസീം വീഡിയോയില്‍ പറയുന്നുണ്ട്.