നേട്ടം കൈവിടാതെ ഓഹരി വിപണി : വ്യാപാരത്തിൽ ഇന്നും ഉണർവ്

മുംബൈ : വ്യാപാര ആഴ്ചയിലെ അവസാന ദിനത്തിലും,നവംബർ മാസത്തെ ആദ്യ ദിനത്തിലും നേട്ടം കൈവിടാതെ ഓഹരി വിപണി. വെള്ളിയാഴ്ച സെന്‍സെക്‌സ് 80 പോയിന്റ് ഉയർന്നു 40208ലും നിഫ്റ്റി 11,900ലുമാണ് വ്യാപാരം പുരോഗമിക്കുന്നത്. .ബിഎസ്ഇയിലെ 491 കമ്പനികളുടെ ഓഹരികള്‍ നേട്ടത്തിലെത്തിയപ്പോൾ 224 ഓഹരികള്‍ നഷ്ടത്തിലുമാണ്. 41 ഓഹരികള്‍ക്ക് മാറ്റമില്ലാതെ നിൽക്കുന്നു.

ഫാര്‍മ, ഐടി, എഫ്എംസിജി തുടങ്ങിയ വിഭാഗങ്ങളിലെ ഓഹരികൾ നേട്ടത്തിലായപ്പോൾ അടിസ്ഥാന സൗകര്യവികസനം, വാഹനം, ഊര്‍ജം, ലോഹം എന്നീ വിഭാഗങ്ങളിലെ ഓഹരികള്‍ സമ്മര്‍ദത്തിലാണ്. എച്ച്ഡിഎഫ്സി, ബ്രിട്ടാനിയ, ഐടിസി, ഐസിഐസിഐ ബാങ്ക്, സീ എന്റര്‍ടെയ്ന്‍മെന്റ്, ഭാരതി ഇന്‍ഫ്രടെല്‍,ടെക് മഹീന്ദ്ര, ഹീറോ മോട്ടോഴ്സ് തുടങ്ങിയ ഓഹരികള്‍ നേട്ടത്തിലെത്തിയപ്പോൾ ബിപിസിഎല്‍, ബജാജ് ഓട്ടോ,യെസ് ബാങ്ക്, റിലയന്‍സ് ഇന്‍ഡസ്ട്രീസ്,ഒഎന്‍ജിസി, തുടങ്ങിയ ഓഹരികള്‍ നഷ്ടത്തിലുമാണ്.

Also read : ഒമാനിൽ നവംബറിലെ ഇന്ധന വില പ്രഖ്യാപിച്ചു