‘ഏങ്കളെ കൊത്തിയാലും ഒന്നല്ലേ ചോര, ഈങ്കളെ കൊത്തിയാലും ഒന്നല്ലെ ചോര’ ബിനീഷിന് പിന്തുണയുമായി സന്തോഷ് കീഴാറ്റൂര്‍

പാലക്കാട് ഗവണ്‍മെന്റ് മെഡിക്കല്‍ കോളേജില്‍ നടന്ന വിദ്യാര്‍ത്ഥി യൂണിയന്‍ പരിപാടിക്കിടയില്‍ നടന്‍ ബിനീഷ് ബാസ്റ്റിന്‍ അപമാനിക്കപ്പെട്ട സംഭവത്തില്‍ പ്രതിഷേധം കനക്കുകയാണ്. നിരവധിപേര്‍ ബിനീഷിനെ പിന്തുണച്ച് രംഗത്തെത്തി. ഇപ്പോഴിതാ ബിനീഷ് ബാസ്റ്റിനെ അപമാനിച്ച സംവിധായകന്‍ അനില്‍ രാധാകൃഷ്ണമേനോനെതിരെ രൂക്ഷ പ്രതികരണവുമായി നടന്‍ സന്തോഷ് കീഴാറ്റൂരും രംഗത്തെത്തിയിട്ടുണ്ട്. ‘കേരള പിറവി ദിനത്തില്‍ സവര്‍ണ്ണ മേനോനോട് പുച്ഛം മാത്രമാണെന്ന്’ സന്തോഷ് ഫേസ്ബുക്കില്‍ പോസ്റ്റിട്ടു. ജീവിക്കാന്‍ നടക്കുന്ന ബിനീഷിനോട് സ്‌നേഹം ആണെന്നും സന്തോഷ് കുറിച്ചു.

READ ALSO: വംശീയതയും അഹന്തയും മനുഷ്യരോടുള്ള വെറുപ്പും കൊണ്ട് പുണ്ണുപിടിച്ച നിങ്ങളുടെ തലച്ചോറ് ഇങ്ങനെ പ്രവര്‍ത്തിക്കുന്നതില്‍ ഒരത്ഭുതവുമില്ല’; അനില്‍ രാധാകൃഷ്ണ മേനോനെതിരെ രൂക്ഷ വിമര്‍ശനവുമായി ശ്രീചിത്രന്‍

തന്റെ സിനിമയില്‍ ചാന്‍സ് ചോദിച്ച് നടക്കുന്ന ഒരു മൂന്നാംകിട നടനൊപ്പം വേദി പങ്കിടാനാകില്ലെന്നായിരുന്നു സംവിധായകന്‍ പറഞ്ഞതെന്നാണ് കോളേജ് ഭാരവാഹികള്‍ പറഞ്ഞത്. തുടര്‍ന്ന് പരിപാടി ഉദ്ഘാടനം കഴിഞ്ഞെത്തിയാല്‍ മതിയെന്ന് കോളേജ് യൂണിയന്‍ ഭാരവാഹികള്‍ ബിനീഷിനെ അറിയിച്ചു. പരിപാടി തുടങ്ങുന്നതിന് ഒരു മണിക്കൂര്‍ മുമ്പാണ് പ്രിന്‍സിപ്പലും യൂണിയന്‍ ചെയര്‍മാനും ബിനീഷ് താമസിച്ച ഹോട്ടലില്‍ എത്തിയും ഉദ്ഘാടനം കഴിഞ്ഞ് ഒരു മണിക്കൂര്‍ കഴിഞ്ഞ് വന്നാല്‍ മതിയെന്ന് അദ്ദേഹത്തോട് ആവശ്യപ്പെട്ടതും. പക്ഷേ പിന്മാറാന്‍ ബിനീഷ് തയ്യാറായില്ല. നേരെ വേദിയിലെത്തിയ ബിനീഷ് നിലത്തിരുന്നു. വേദിയില്‍ നിലത്ത് കുത്തിയിരുന്ന് പ്രതിഷേധിച്ച ബിനീഷിനോട് ഇറങ്ങി വരാനും പൊലീസിനെ വിളിക്കുമെന്നുമാണ് മെഡിക്കല്‍ കോളേജ് പ്രിന്‍സിപ്പല്‍ പറഞ്ഞത്. സംഭവത്തിന്റെ വീഡിയോ പുറത്ത് വന്നതോടെ അനില്‍ രാധാകൃഷ്ണമേനോനെതിരെ വന്‍ പ്രതിഷേധമാണുയരുന്നത്.

https://www.facebook.com/Santhoshkeezhattoorofficial/posts/999085633761598?__xts__%5B0%5D=68.ARC3sQJLAbuzjY9Pnx5nLuzFESGsSVVPzJyAN7D2ZomCvbIUYhv4bP3efr10ShuYsUM5m-miemimjktD29dpsTdb3BH8w7dOXbvO4YNSMdRMUx6RbIVUF_wsE6ScwG62kmenTEzCjI0oNkw6qUJsmeht_-Tker6xbUXZso0efRzq5qRiUMd8C3VY3UjN9bFlVac_0VbTE8-Rg8IxIdBMGxOmarGGop_1gYnfL4dfWoCnOyyuflxyivQnOmeYRN7a6zrajzC2a4PNfsw7DwIF86rBx7Nz6ToE0UGOrKFyWwjA_zfQItGh-jHOelGzs4tpiePC0maFAJ9_e6v0Xjg&__tn__=-R

https://www.facebook.com/Santhoshkeezhattoorofficial/posts/999077973762364?__xts__%5B0%5D=68.ARAGoyexQvUeNLz13EGtgdL6XrWn9pZBDLkHX8aWKSACyUjQTNe7iYXACy-AMJvCEy_jRbPUDkKoFVLlS9q5L0UmSQ7U5LBWtEupWchVDpf5wP7soAhdlxRNA8Wx6McznygCYvkPqxY2vUhbVNXhXsBpKNiBzAY7BZ7PQW3ljNmtSeDkniokLdUngJKPojaCVU_CFhPp6AcZNZ8h467HEf_pNyN9ZCoN6hQsyXi1RTsauiHl27afic-56y9gEwK4pOwnwel2NUs0npESUneK2P0WG0yc7ruNbAVZLRzpRnYwVVJA1_y6bU-j3zqyzq3WSt5hEygmbp7Ga1UsHp8&__tn__=-R