കുട്ടികളെ ഭക്ഷണം കഴിപ്പിക്കുക എന്നതാണ് പല അമ്മമാരും നേരിടുന്ന വെല്ലുവിളി. ബ്രേക്ക്ഫാസ്റ്റിന് എന്നും ഒരേ വിഭവങ്ങള്‍ തന്നെയായാല്‍ ആര്‍ക്കും മടുപ്പ് തോന്നും. എന്നാല്‍ കുട്ടികള്‍ക്ക് പ്രഭാതത്തില്‍ നല്‍കാവുന്ന ഒരു മികച്ച ഭക്ഷമാണ് സാന്‍വിച്ച്. ഇടനേരങ്ങളില്‍ കഴിക്കാനായും കുട്ടികള്‍ക്ക് സാന്‍വിച്ച് തയ്യാറാക്കി നല്‍കാം. പച്ചക്കറികളും മുട്ടയും വെണ്ണയുമൊക്കെ ചേരുന്നതിനാല്‍ ഇത് പോഷക സമൃദ്ധവുമാണ്. ഇതാ ഈസിയായി തയ്യാറാക്കാന്‍ കഴിയുന്ന എഗ്ഗ് സാന്‍വിച്ച്.
ALSO READ:ഈസിയായി തയ്യാറാക്കാം രുചികരമായ ചിക്കന്‍ സമോസ
ചേരുവകള്‍
റൊട്ടി (സ്ലൈസ് ചെയ്ത് ചുറ്റുമുള്ള ബ്രൗണ്‍ ഭാഗം മാറ്റിയത്) – ഒന്ന്
മുട്ട – രണ്ട്
പച്ചമുളക് ചെറുതായി അരിഞ്ഞത്- 2 എണ്ണം
സവാള കൊത്തിയരിഞ്ഞത് – കാല്‍ കപ്പ്
ഇഞ്ചി (കൊത്തിയരിഞ്ഞത്) – 1/2 ടീസ്പൂണ്‍
കുരുമുളക് പൊടി – 1/2 ടീസ്പൂണ്‍
ഉപ്പ് – പാകത്തിന്
പാല്‍ – ഒരു ടീസ്പൂണ്‍
വെണ്ണ – ഒരു ടീസ്പൂണ്‍
എണ്ണ – ഒരു ടേബിള്‍ സ്പൂണ്‍
മല്ലിയില അരിഞ്ഞത് – ഒരു ടേബിള്‍ സ്പൂണ്‍
ALSO READ: നിങ്ങള്‍ തടി കുറയ്ക്കാന്‍ ആഗ്രഹിക്കുന്നുണ്ടോ? എങ്കില്‍ തക്കാളി സൂപ്പ് പരീക്ഷിക്കൂ…
തയ്യാറാക്കുന്ന വിധം
ഒരു പാനില്‍ എണ്ണയൊഴിച്ച് ചൂടായ ശേഷം ഇതിലേക്ക് പച്ചമുളക്, സവാള, ഇഞ്ചി എന്നിവ വഴറ്റുക. ഇതിലേക്ക് ഉപ്പും കുരുമുളക് പൊടിയും ചേര്‍ക്കുക. ശേഷം മുട്ട പൊട്ടിച്ചൊഴിച്ച് ചിക്കിയെടുക്കുക. ഈ സമയത്ത് പാലും വെണ്ണയും മല്ലിയിലയും ചേര്‍ക്കുക. മുട്ട അയഞ്ഞ പരുവത്തില്‍ ചിക്കിയെടുത്ത് ഒരുകഷണം റൊട്ടിയില്‍ നിറയ്ക്കുക. മറ്റൊരു കഷണം കൊണ്ട് ഇത് ഒട്ടിക്കുക. ഇങ്ങനെ ആവശ്യമുള്ളവ തയ്യാറാക്കി എടുക്കുക. റൊട്ടി സ്ലൈസുകളില്‍ ലേശം വെണ്ണ പുരട്ടിയാല്‍ ചേരുവ പൊഴിഞ്ഞ് പോകില്ല.
Post Your Comments