ടെസ്റ്റ് ക്രിക്കറ്റിലും ട്വന്‍റി20യിലും നായക സ്ഥാനത്ത് നിന്ന് സര്ഫ്രാസ് അഹമ്മദിനെ പുറത്താക്കിയതിനെ രൂക്ഷമായി വിമർശിച്ച് ഭാര്യ ഖുഷ്ബക്ത്. അദ്ദേഹത്തെ സംബന്ധിച്ചിടത്തോളം അത് കരിയറിന്റെ അവസാനമല്ല. അദ്ദേഹത്തിന് ഇപ്പോള്‍ ഭാരരഹിതമായി കളിക്കാന്‍ കഴിയുമെന്നും ഖുഷ്ബക്ത് പറയുകയുണ്ടായി. എന്തുകൊണ്ടാണ് അദ്ദേഹം ഇപ്പോള്‍ വിരമിക്കേണ്ടത്? അദ്ദേഹത്തിന് 32 വയസ്സ് മാത്രമേ ആയിട്ടുള്ളു. ധോണിക്ക് എത്ര വയസ്സായി? ധോണി വിരമിച്ചില്ലല്ലോ. എന്റെ ഭര്‍ത്താവ് ശക്തമായ തിരിച്ചുവരവ് നടത്തും. അദ്ദേഹം ഒരു പോരാളിയാണ്, ഉടൻ തിരിച്ചുവരുമെന്നും ഖുഷ്ബക്ത് പറഞ്ഞു.
Read also: അഞ്ച്‌ നിയമസഭാ മണ്‌ഡലങ്ങളിലും എല്‍.ഡി.എഫിന്‌ വിജയം സുനിശ്ചിതമാണെന്ന്‌ എ. വിജയരാഘവന്‍
നായക സ്ഥാനത്ത് നിന്ന് ഒഴിവാക്കിയതിന് പിന്നാലെ വരാനിരിക്കുന്ന ഓസ്‌ട്രേലിയയ്ക്കെതിരായ സീരീസിലും സര്‍ഫ്രാസിനെ ഉള്‍പ്പെടുത്തിയിട്ടില്ല. അതേസമയം ഇതിനെതിരെ പ്രതികരണവുമായി സര്ഫ്രാസ് ഇതുവരെയും രംഗത്തെത്തിയിട്ടില്ല.
Post Your Comments