‘ഇത് ചെയ്തതാരായാലും മികച്ച ക്രിയേറ്റിവിറ്റിയാണ്’ തന്നെ ട്രോളിയ ആള്‍ക്ക് നയന്‍താരയുടെ മറുപടി

‘ഇത് ചെയ്തതാരായാലും മികച്ച ക്രിയേറ്റിവിറ്റിയാണ്’ ഇങ്ങനെയായിരുന്നു തന്റെ ഫോട്ടോയ്ക്ക് പകരം വടിവേലുവിന്റെ തല ഫോട്ടോഷോപ്പ് ചെയ്ത് വെച്ചവര്‍ക്കുള്ള തെന്നിന്ത്യന്‍ താരസുന്ദരി നയന്‍താരയുടെ മറുപടി. ചിത്രം അടക്കം ഫെയ്‌സ്ബുക്കില്‍ പോസ്റ്റ് ചെയ്താണ് താരത്തിന്റെ കുറിപ്പ്. നേരത്തെ വോഗ് മാഗസിന് വേണ്ടിയുള്ള നയന്‍താരയുടെ ഫോട്ടോ ഷൂട്ട് സമൂഹ്യമാദ്ധ്യമങ്ങളില്‍ വൈറലായിരുന്നു. ഈ ചിത്രത്തെ എഡിറ്റ് ചെയ്ത് നയന്‍താരയെ പോലും ചിരിപ്പിക്കുന്ന രീതിയിലാക്കിയിരിക്കുകയാണ് ഏതൊ വിരുതന്മാര്‍.

താരം തന്നെ ഈ ചിത്രം പങ്കുവെച്ചതോടെ ഈ ചിത്രവും വൈറലായി. നയന്‍താരയുടെ ചിത്രത്തിന്റെ മുഖത്ത് തമിഴ് ഹാസ്യതാരം വടിവേലുവിന്റെ ചിത്രം ഫോട്ടോഷോപ്പ് ചെയ്ത ചിത്രമാണ് നടി പങ്കുവച്ചത്. ചിത്രത്തിന് നന്ദി പറഞ്ഞ താരം ഇതു ചെയ്തയാളുടെ കഴിവിനെ എത്ര പ്രശംസിച്ചാലും മതിവരില്ലെന്നും കൂട്ടിച്ചേര്‍ത്തു. നയന്‍താരയുടെയോ വടിവേലുവിന്റെയോ ആരാധകരാരോ ഒപ്പിച്ച പണിയാണ് ഈ ചിത്രം. എന്നാല്‍ ഫോട്ടോഷോപ്പിന്റെ സഹായത്തോടെ മാറ്റങ്ങള്‍ വരുത്തിയ ചിത്രം കണ്ടാല്‍ ആരും ചിരിച്ച് പോകും.

നയന്‍താര ഫെയ്‌സ്ബുക്കില്‍ കുറിച്ചതിങ്ങനെ;-

ഇത് ചെയ്തതാരായാലും മികച്ച ക്രിയേറ്റിവിറ്റിയാണ്. എന്റെ പ്രിയപ്പെട്ട താരം വടിവേലു സാറിനെ വച്ച് ചിത്രം ചെയ്തതില്‍ നന്ദിയുണ്ട്. എന്തായാലും തന്നേക്കാള്‍ ഭംഗി വടിവേലുവിനാണെന്ന് സമ്മതിക്കുന്നു’.

https://www.facebook.com/NayantharaOffl/posts/2532320183654813