തിരുവനന്തപുരം•തിരുവനന്തപുരം കല്ലുംമൂട്‌ ശ്രീ മഹാദേവി ക്ഷേത്രത്തിലെ കോടി അര്‍ച്ചന മഹായജ്ഞത്തിന് സമാരംഭം കുറിച്ചുള്ള ദീപശിഖാപ്രയാണം ഡോ.ബോബി ചെമ്മണ്ണൂര്‍ നിര്‍വഹിച്ചു. ബാലരാമപുരം അഗസ്ത്യാര്‍ സ്വാമി ക്ഷേത്ര സന്നിധിയില്‍ നിന്ന് തുടങ്ങി 3 കിലോമീറ്ററോളം ദീപശിഖയും വഹിച്ചുകൊണ്ട് ഓടിയാണ് ഡോ.ബോബി ചെമ്മണ്ണൂര്‍ മഹാദേവി ക്ഷേത്ര സന്നിധിയില്‍ എത്തിയത്. ഇനിയുള്ള 10 ദിവസങ്ങളില്‍ യജ്ഞസ്ഥലത്ത് ഈ ദീപം ജ്വലിച്ചുനില്‍ക്കും. തുടര്‍ന്ന് മഹായജ്ഞരംഭ സഭയുടെ ഉദ്ഘാടനം ഗോകുലം ഗോപാലന്റെ അധ്യക്ഷതയില്‍ ടൂറിസം, ദേവസ്വം സഹകരണവകുപ്പ് മന്ത്രി കടകംപള്ളി സുരേന്ദ്രന്‍ നിര്‍വഹിച്ചു.
ചടങ്ങില്‍ വച്ച് ജീവകാരുണ്യ പ്രവര്‍ത്തനങ്ങളുടെ ഉദ്ഘാടനം ഡോ.ബോബോ ചെമ്മണ്ണൂര്‍ നിര്‍വഹിക്കുകയുണ്ടായി.
Post Your Comments