മലപ്പുറം : ബസപകടത്തിൽ നിരവധിപേർക്ക് പരിക്ക്. മലപ്പുറം കുറ്റിപ്പുറത്ത് സ്വകാര്യ ബസ് നിയന്ത്രണം വിട്ടു മറിഞ്ഞു 25 ഓളം പേര്‍ക്കാണ് പരിക്കേറ്റത്. രാവിലെ എട്ടോടെ നിറയെ യാത്രക്കാരുമായി വളാഞ്ചേരി ഭാഗത്തു നിന്നു കുറ്റിപ്പുറത്തേക്ക് വരികയായിരുന്ന “റോയല്‍’ എന്ന ബസ്, ദേശീയപാതയില്‍ കുറ്റിപ്പുറം റെയില്‍വേ മേല്‍പ്പാലത്തിനു മുകളില്‍ നിയന്ത്രണം വിട്ടു മറിയുകയായിരുന്നു. പാലത്തില്‍ നിന്നും താഴ്ചയിലേക്ക് മറിയാതിരുന്നതിനാല്‍ വന്‍ ദുരന്തമാണ് ഒഴിവായത്.
തിരൂരില്‍ നിന്നെത്തിയ ഫയര്‍ഫോഴ്സും, ഹൈവേ പോലീസും, കുറ്റിപ്പുറം പോലീസും ട്രോമാകെയര്‍ പ്രവര്‍ത്തകരും നാട്ടുകാരും ചേര്‍ന്ന്‍ രക്ഷാപ്രവര്‍ത്തനങ്ങള്‍ നടത്തി. പരിക്കേറ്റവരെ കുറ്റിപ്പുറത്തെ സ്വകാര്യ ആശുപത്രിയിലും സര്‍ക്കാര്‍ ആശുപത്രിയിലും നടക്കാവ്, എടപ്പാള്‍ എന്നിവടങ്ങളിലെ സ്വകാര്യ ആശുപത്രികളിലുമായി പ്രവേശിപ്പിച്ചു. അപകടത്തെ തുടര്‍ന്നു ദേശീയപാതയില്‍ ഏറെ നേരം ഗതാഗതം തടസപ്പെട്ടു
Post Your Comments