ഈ മോഡൽ ഐഫോൺ വിലക്കുറവിൽ സ്വന്തമാക്കാം

വിലക്കുറവിൽ ആപ്പിള്‍ ഐഫോണ്‍ XR സ്വന്തമാക്കാൻ അവസരം. ആമസോണിന്റെ ഗ്രേറ്റ് ഇന്ത്യൻ ഫെസ്റ്റിവലിലാണ് ഓഫറുകൾ ലഭ്യമാക്കിയിരിക്കുന്നത്. ഇത് പ്രകാരം 49,900 രൂപയുടെ 64 ജിബി സ്റ്റോറേജ് മോഡലിന് 39,999 രൂപയാണ് വില. 54,900 രൂപയായിരുന്ന 128 ജിബി പതിപ്പ് 44,999 രൂപയ്ക്കും,74,900 രൂപയായിരുന്ന 256 ജിബി പതിപ്പ് 57,999 രൂപയ്ക്കും ഓഫർ വിലയിൽ സ്വന്തമാക്കാം.

കൂടാതെ ഓഫര്‍ വിലയെക്കാള്‍ കുറഞ്ഞ തുകയ്ക്ക് ഐഫോൺ XR സ്വന്തമാക്കാൻ സാധിക്കും. ഇപ്പോൾ ഒരു പഴയ ഐഫോൺ 8 64 ജിബി എക്സ്ചേഞ്ച് ചെയ്യുകയാണെങ്കിൽ, അധികമായി 12,000 രൂപവരെ കിഴിവിൽ ഐഫോൺ XR 30,000 രൂപയ്ക്ക് താഴെ വിലയിൽ സ്വന്തമാക്കാൻ സാധിക്കും.

ആമസോണിൽ നിലവിലെ ഉത്സവ ഓഫറായ 39,999 രൂപയ്ക്ക് 13,000 രൂപയാണ് എക്സ്ചേഞ്ച് കിഴിവ് നൽകുക. 3,000 രൂപയ്ക്ക് മുകളിലുള്ള ഓർഡറുകൾക്കായി തിരഞ്ഞെടുത്ത കാർഡുകളിൽ ‘നോ കോസ്റ്റ് ഇഎംഐ’, തിരഞ്ഞെടുത്ത ക്രെഡിറ്റ് കാർഡുകൾക്കും എസ്‌ബി‌ഐ ഡെബിറ്റ് കാർഡുകൾക്കും 2,000 രൂപ വരെ കിഴിവ് തുടങ്ങിയ അധിക ഓഫറുകളും ലഭ്യമാണ്.