ദുബായ്: വട്ടിയൂര്‍ക്കാവില്‍ മത്സരം എല്‍ഡിഎഫും യുഡിഎഫും തമ്മിലെന്ന് കെ. മുരളീധരന്‍ എംപി. യുഡിഎഫ് വിജയിക്കുമെന്നും രണ്ടാം സ്ഥാനത്തേയ്ക്കാണ് മത്സരം നടക്കുന്നതെന്നും അദ്ദേഹം പറഞ്ഞു.വികസന മുരടിപ്പ് ചര്‍ച്ചയാകും. സംസ്ഥാനത്ത് ഉപതെരഞ്ഞെടുപ്പ് നടക്കുന്ന അഞ്ചിടത്തും യുഡിഎഫ് മികച്ച വിജയം കൈവരിക്കുമെന്നും മുരളീധരന്‍ പറഞ്ഞു. വട്ടിയൂര്‍ക്കാവില്‍ പാര്‍ട്ടി തീരുമാനിക്കുന്ന സ്ഥാനാര്‍ത്ഥിക്ക് വേണ്ടി സജീവമായി പ്രചരണത്തിനിറങ്ങുമെന്നും അദ്ദേഹം കൂട്ടിച്ചേർത്തു. 2011 മുതല്‍ വട്ടിയൂര്‍ക്കാവ് എംഎല്‍എ ആയ കെ. മുരളീധരന്‍ ലോക്സഭാ തെരഞ്ഞെടുപ്പില്‍ വടകരയില്‍നിന്നും ജയിച്ചതോടെയാണ് വട്ടിയൂര്‍ക്കാവില്‍ ഉപതെരഞ്ഞെടുപ്പിന് അവസരമൊരുങ്ങിയത്.
Post Your Comments