ബാഗ്ദാദ്: ഷിയായില്‍ പുണ്യ നഗരമായ കര്‍ബലയില്‍ മിനിബസിലുണ്ടായ സ്ഫോടനത്തില് 12 പേര്‍ കൊല്ലപ്പെട്ടു. നിരവധിപേര്‍ക്ക് പരിക്കേറ്റു. കാര്‍ബാല പ്രദേശത്തു നിന്ന് അല്‍ഹിലായിലേക്കുള്ള യാത്രമദ്ധ്യേ ഇറാഖ് സൈനിക ചെക്ക് പോയിന്റിലൂടെ ബസ് കടന്നുപോകുന്നതിനിടെയാണ് സ്ഫോടനം നടന്നത്. വെള്ളിയാഴ്ച രാത്രിയാണ് സംഭവം. ബസിന്റെ സീറ്റിനടിയില്‍ സ്‌ഫോടകവസ്തുക്കള്‍ അടങ്ങിയ ബാഗ് ഉപേക്ഷിച്ച് മുങ്ങിയ യാത്രക്കാരന്‍ റിമോട്ട് ഉപയോഗിച്ച് സ്ഫോടനം നടത്തുകയായിരുന്നു.
സ്ഫോടനത്തില് കൊല്ലപ്പെട്ടവരെല്ലാം സാധാരണക്കാരാണ്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. 2017 ല്‍ ഇറാഖിനുള്ളില്‍ തീവ്രവാദ ഇസ്ലാമിക് സ്റ്റേറ്റ് ഗ്രൂപ്പിനെ തുടച്ചുനീക്കിയെന്ന പ്രഖ്യാപനത്തിന് ശേഷം സാധാരണ ജനങ്ങളെ ലക്ഷ്യമിട്ടുള്ള ഏറ്റവും വലിയ ആക്രമണമാണിതെന്നാണ് റിപ്പോര്‍ട്ടുകള്‍. .
Post Your Comments