‘സാദിഖേ മുത്തേ, കണ്ണുകള്‍ അഭിമാനം കൊണ്ട് സജലമാകുന്നല്ലോ വല്ലാതെ’-അഭിമാനമായൊരു യുവാവ്

കേരളം വീണ്ടുമൊരു പ്രളയത്തെ നേരിട്ടു കൊണ്ടിരിക്കുകയാണ്. എങ്ങും രക്ഷാപ്രവര്‍ത്തനവും മുറയ്ക്ക് നടക്കുന്നുണ്ട്. നിരവധി യുവാക്കളാണ് രക്ഷാപ്രവര്‍ത്തന രംഗത്ത് സജ്ജരായിട്ടുള്ളത്. അക്കൂട്ടത്തിലിതാ ഒരു യുവാവിന്റെ വീഡിയോ സോഷ്യല്‍ മീഡിയ ഏറ്റെടുത്തിരിക്കുകയാണ്.

ദുരിതബാധിതരെ വള്ളത്തിലിരുത്തി അരയ്‌ക്കൊപ്പം വെള്ളത്തില്‍ നിന്നും കൈകൊണ്ട് വഞ്ചി കരയിലേക്ക് വലിക്കുകയാണ് ഈ യുവാവ്. കയ്യിലിരിക്കുന്ന പങ്കായം പുഴയില്‍ കുത്തി അപകടമില്ലെന്ന് ഉറപ്പിച്ചാണ് യുവാവ് മുന്നോട്ട് പോകുന്നത്. ആര്‍ജെ ജൈസലാണ് ഈ വീഡിയോ പങ്കുവെച്ചിരിക്കുന്നത്.

ALSO READ: കേന്ദ്ര സര്‍ക്കാരിനെ എതിര്‍ക്കാൻ സാധിക്കാത്തവർക്ക് പുറത്തുപോകാം; കർശന നിലപാടുമായി രാഹുൽ ഗാന്ധി

പോസ്റ്റിന്റെ പൂര്‍ണ്ണരൂപം

മുന്നില്‍ ആ തോണിയും വലിച്ചു കൊണ്ട് പോകുന്നവന്‍ ഉണ്ടല്ലോ എന്റെ നാടിന്റെ അഭിമാനമാണ്. അധികാരികള്‍ തിരിഞ്ഞ് നോക്കാത്ത ഇടങ്ങളില്‍ മിന്നല്‍ പിണര്‍പോലെ പാഞ്ഞെത്തിയവരാണ് . കരക്കേത്തിയവര്‍ നീട്ടിയ നോട്ട് തിരിച്ചു കൊടുത്തു പ്രാര്‍ത്ഥിക്കാന്‍
പറഞ്ഞവരാണ് . മുന്നിലെ കുഴിയെയും കുത്തിയൊഴുകുന്ന മലവെള്ളത്തേയും കൂസാതെ നടക്കുന്നവന്‍ അലറി ആര്‍ത്തു വരുന്ന തിരമാലയെ കണ്ട് പേടിക്കാത്തവനാണ്.
സര്‍വോപരി രക്ഷാ പ്രവര്‍ത്തനങ്ങള്‍ കഴിഞ്ഞിട്ട് അവസാനം ബില്‍ കൊടുത്തു കാശ് വാങ്ങാന്‍ പഠിക്കാത്ത മനുഷ്യനാണ് .മത്സ്യത്തൊഴിലാളി യാണ് മനുഷ്യനാണ് ??????
സാദിഖേ മുത്തേ … കണ്ണുകള്‍ അഭിമാനം കൊണ്ട് സജലമാകുന്നല്ലോ വല്ലാതെ …

https://www.facebook.com/rj.jaisal/videos/2453276864891570/?t=0

READ ALSO: വീണ്ടും മലവെള്ളപ്പാച്ചില്‍, രക്ഷാപ്രവര്‍ത്തകരുടെ ജീവന്‍ പോലും അപകടത്തില്‍; ഭീതിയൊഴിയാതെ പുത്തുമല