ഐ.ആര്‍.സി.ടി.സി അവധിക്കാല ടൂര്‍ പാക്കേജുകള്‍ പ്രഖ്യാപിച്ചു

കൊച്ചി: മലയാളികള്‍ക്ക് ഇത്തവണ ഓണം ആഘോഷിയ്ക്കാന്‍ ഐആര്‍സിടിസിയുടെ അവധിക്കാല ടൂര്‍ പാക്കേജുകളും. ഏറ്റവും കുറഞ്ഞ നിരക്കിലാണ് ഐആര്‍സിടിസി അവധിക്കാല ടൂര്‍ പാക്കേജ് പ്രഖ്യാപിച്ചിരിക്കുന്നത്. ഭാരത് ദര്‍ശന്‍ ടൂറിസ്റ്റ് ട്രെയിന്‍ യാത്ര സെപ്തംബര്‍ ഏഴിന് കേരളത്തില്‍ നിന്നാരംഭിച്ച് 19ന് മടങ്ങിയെത്തും.

ഗോവയിലെ ബീച്ചുകള്‍, ബോം ജീസസ് ബസലിക്ക, സീ കത്തീഡ്രല്‍, ജയ്പൂര്‍ സിറ്റി പാലസ്, ആംബര്‍ ഫോര്‍ട്ട്, ലോട്ടസ് ടെമ്പിള്‍, ഇന്ത്യാ ഗേറ്റ്, കുത്തബ് മിനാര്‍, താജ്മഹല്‍ എന്നിവിടങ്ങള്‍ സന്ദര്‍ശിക്കാം. മുന്‍കൂട്ടി ബുക്ക് ചെയ്യുന്നവര്‍ക്ക് തിരുവനന്തപുരം, കൊല്ലം, കോട്ടയം, എറണാകുളം, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍ഗോഡ് എന്നിവിടങ്ങളില്‍ നിന്ന് ട്രെയിനില്‍ പ്രവേശിക്കാം. ടിക്കറ്റ് നിരക്ക് 13,230 രൂപ. എല്‍.ടി.സി. സൗകര്യമുണ്ട്.

ബാലി അന്താരാഷ്ട്ര വിമാനയാത്രാ പാക്കേജ് സെപ്തംബര്‍ 29ന് കൊച്ചി വിമാനത്താവളത്തില്‍ നിന്ന് പുറപ്പെട്ട് ഒക്ടോബര്‍ മൂന്നിന് തിരിച്ചെത്തും. ജിംബാരന്‍ ബീച്ച്, കിന്റാമനി, ഉബുഡ് മങ്കി ഫോറസ്റ്ര്, മൗണ്ട് ബാട്ടൂര്‍, ബാട്ടൂര്‍ തടാകം, തീര്‍ത്ഥാ എംപൂള്‍ ടെമ്ബിള്‍, ടര്‍ട്ടില്‍ ഐലന്‍ഡ്, തന്‍ജൂംഗ് ബെനാവോ ബീച്ച് തുടങ്ങിയ സ്ഥലങ്ങള്‍ സന്ദര്‍ശിക്കാം. ടിക്കറ്റ് നിരക്ക് 48,700 രൂപ മുതല്‍.

തിരുപ്പതി ബാലാജി ദര്‍ശന്‍ ദര്‍ശന്‍ കോച്ച് ടൂര്‍ സെപ്തംബര്‍ 26ന് തിരുവനന്തപുരത്തു നിന്ന് പുറപ്പെടും. തിരുമല ശ്രീവെങ്കടേശ്വര ക്ഷേത്രം, ശ്രീകാളഹസ്തി ക്ഷേത്രം, തിരുച്ചാനൂര്‍ ശ്രീപത്മാവതീ ക്ഷേത്രം എന്നിവിടങ്ങള്‍ സന്ദര്‍ശിച്ച് 29ന് തിരികെയെത്തും. ടിക്കറ്റ് നിരക്ക് 6,405 രൂപ മുതല്‍. ഫോണ്‍: 9567863245/