യുഎഇയിൽ തീപിടിത്തം : 9 അംഗ കുടുംബം അദ്ഭുതകരമായി രക്ഷപ്പെട്ടു

ദുബായ് : യുഎഇയിൽ തീപിടിത്തം. ഖോർഫക്കാനിലെ സബാറ മേഖലയിലെ ഒരു വീടിനുണ്ടായ തീപിടിത്തത്തിൽ നിന്നും 9 അംഗ സ്വദേശി കുടുംബം അദ്‌ഭുതകരമായി രക്ഷപെട്ടു. വീട്ടുടമയുടെ മകൻ പെട്ടെന്ന് ഉണരുകയും മറ്റുള്ളവരെ വിളിച്ചെഴുന്നേൽപിച്ചു പുറത്തുകടക്കുകയുമായിരുന്നു. തീ ആളിപ്പടർന്നെങ്കിലും കാര്യമായ പരിക്കുകൾ ഇല്ലാതെ ഇവർക്ക് രക്ഷപെടാൻ സാധിച്ചു. വീട് കത്തിനശിച്ചു. കുടുംബത്തിന് അധികൃതർ ഹോട്ടലിൽ താമസ സൗകര്യമൊരുക്കി.