ആലപ്പുഴ : ഓടയില്‍ നിന്ന് ആയുധങ്ങള്‍ കണ്ടെത്തി.കായംകുളത്ത് ഫയര്‍ സ്റ്റേഷന് സമീപുമുള്ള ഇടറോഡിലെ ഓടയില്‍ നിന്നാണ് ആയുധങ്ങൾ ലഭിച്ചത്.കായംകുളം നഗരസഭാ നാലാം വാര്‍ഡില്‍ കുന്നയ്യത്ത്-നൂറാട്ട് റോഡരുകില്‍ ചാക്കില്‍ കെട്ടിയ നിലയിലായിരുന്നു ആയുധങ്ങൾ.
അടുത്ത പുരയിടത്തില്‍ ശുചീകരണം നടത്തി കൊണ്ടിരുന്നവരാണ് വടിവാളുകളും വെട്ടുകത്തിയും കണ്ടെത്തിയത്. നിരവധി മദ്യ കുപ്പികളും ഇതിനോടൊപ്പം ലഭിച്ചിരുന്നു . വിവരമറിഞ്ഞ് വാര്‍ഡ് കൗണ്‍സിലര്‍ അബ്ദുള്‍ മനാഫ് സ്ഥലത്തെത്തി. നാട്ടുകാരും കൗണ്‍സിലറും അറിയിച്ചതിന്റെ അടിസ്ഥാനത്തില്‍ പോലീസ് സ്ഥലത്തെത്തി പരിശോധന നടത്തി. ആയുധങ്ങള്‍ പോലീസ് സ്‌റ്റേഷനിലേക്ക് കൊണ്ട് പോയി.സംഭവത്തെക്കുറിച്ച് അന്വേഷണം നടത്തുമെന്ന് പോലീസ് വ്യക്തമാക്കി.
Post Your Comments