ആഭ്യന്തര വിമാനയാത്ര പാക്കേജുകള്‍ പ്രഖ്യാപിച്ച് ഐ.ആര്‍.സി.ടി.സി

കൊച്ചി: വിനോദ സഞ്ചാര കേന്ദ്രങ്ങള്‍ സന്ദര്‍ശിക്കാനുള്ള ആഭ്യന്തര വിമാനയാത്ര പാക്കേജുകള്‍ പ്രഖ്യാപിച്ച് ഐ.ആര്‍.സി.ടി.സി. ഐ.ആര്‍.സി.ടി.സി ഹൈദരാബാദ്,​ ഡല്‍ഹി,​ ആഗ്ര,​ ജയ്‌പൂര്‍ എന്നിവിടങ്ങളിലെ വിനോദ സഞ്ചാര കേന്ദ്രങ്ങള്‍ സന്ദര്‍ശിക്കാനുള്ള പാക്കേജുകളാണ് പ്രഖ്യാപിച്ചിരിക്കുന്നത്. ഗോല്‍കോണ്ട ഫോര്‍ട്ട്,​ ബിര്‍ള മന്ദിര്‍,​ ചൗമഹല പാലസ്,​ സലര്‍ജംഗ് മ്യൂസിയം,​ മക്ക മസ്‌ജിദ്,​ ചാര്‍മിനാര്‍ മുതലായ സ്ഥലങ്ങള്‍ സന്ദര്‍ശിക്കുന്ന പാക്കേജിന്റെ നിരക്ക് 14,​530 രൂപ മുതലാണ് ആരംഭിക്കുന്നത്. അക്ഷര്‍ധാം ക്ഷേത്രം,​ താജ്‌മഹല്‍,​ കുത്തബ് മിനാര്‍,​ ജയ്‌പൂര്‍ സിറ്റി പാലസ്,​ ആബംര്‍ ഫോര്‍ട്ട് തുടങ്ങിയവ സന്ദര്‍ശിക്കുന്ന പാക്കേജിന്റെ നിരക്ക് 25,​010 രൂപ മുതലാണ്. ആഗസ്റ്റ് 24ന് പുറപ്പെട്ട് 29ന് ആണ് തിരിച്ചെത്തുന്നത്. കൂടാതെ തിരുമല-ശ്രീകാളഹസ്‌തി-തിരുച്ചാനൂര്‍ തിരുപ്പതി കോച്ച്‌ ടൂര്‍ (നിരക്ക് 6,​405 രൂപ)​,​ എല്ലാ ബുധനാഴ്‌ചകളിലും പുറപ്പെടുന്ന ഹൈദരാബാദ് ടൂര്‍ (നിരക്ക് 12,​662 രൂപ)​ എന്നീ ട്രെയിന്‍ പാക്കേജുകളും പ്രഖ്യാപിച്ചിട്ടുണ്ട്.