ലഹരിമരുന്ന് വ്യാപാരം തകൃതി; ഒന്നേകാൽ കിലോ കഞ്ചാവുമായി യുവാവ് പിടിയിൽ

താമരശ്ശേരി: ലഹരിമരുന്ന് വ്യാപാരം തകൃതി, ഒന്നേകാൽ കിലോ കഞ്ചാവുമായി മൊത്തക്കച്ചവടക്കാരൻ താമരശ്ശേരിയിൽ എക്സൈസ് സംഘത്തിന്റെ പിടിയിലായി. മാവൂർ കണ്ണിപറമ്പ് കക്കാരത്തിൽ വീട്ടിൽ സെമീറിനെയാണ്(40) താമരശ്ശേരി എക്സൈസ് ഇൻസ്പെക്ടർ പി.പി. വേണുവും സംഘവും പിടികൂടിയത്. മോട്ടോർ സൈക്കിളിൽ കടത്തിക്കൊണ്ടുവന്ന കഞ്ചാവ് താമരശ്ശേരിക്കടുത്ത് അമ്പായത്തോട്ടിൽ വാഹനപരിശോധനയ്ക്കിടെയാണ് പിടികൂടിയത്.

സെമീർ കഞ്ചാവ് കടത്തിക്കൊണ്ടു വരുന്നതിനായി ഉപയോഗിച്ച കെ.എൽ. 11 ബി.എം. 7794 നമ്പർ ബൈക്ക് കസ്റ്റഡിയിലെടുത്തു. താമരശ്ശേരി കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു.