ക്ലാസ് മുറിയിൽ കോൺക്രീറ്റ് പാളി തകർന്നു വീണ് മൂന്ന് വിദ്യാര്‍ത്ഥികള്‍ക്ക് പരിക്കേറ്റു : ഞെട്ടിക്കുന്ന വീഡിയോ പുറത്ത്

മുംബൈ : കോൺക്രീറ്റ് പാളി തകർന്നു വീണ് വിദ്യാര്‍ത്ഥികള്‍ക്ക് പരിക്കേറ്റു. മഹാരാഷ്ട്രയിലെ ഉല്ലാസ്‌നഗറിലെ ജുലേലാല്‍ സ്‌കൂളിൽ ക്ലാസ് മുറിയിൽ പഠിച്ചുകൊണ്ടിരുന്ന വിദ്യാര്‍ത്ഥികളുടെ തലയിലേക്ക് കോണ്‍ക്രീറ്റ് പാളി അടര്‍ന്നുവീഴുകയായിരുന്നു. പരിക്കേറ്റ മൂന്ന് വിദ്യാര്‍ത്ഥികളെ ഉടനെ തന്നെ ആശുപത്രിയില്‍ പ്രവേശിപ്പിച്ചു.

#WATCH: Three students were injured after a portion of cement plaster collapsed on them while they were attending class in Ulhasnagar's Jhulelal School, Maharashtra yesterday. pic.twitter.com/luXzWD4TAI

— ANI (@ANI) June 19, 2019

സംഭവത്തിന്റെ വീഡിയോ ദൃശ്യങ്ങൾ പുറത്തു വന്നിട്ടുണ്ട്. ക്ലാസ് മുറിയില്‍ അദ്ധ്യാപിക പഠിപ്പിച്ച് കൊണ്ടിരിക്കെ ബെഞ്ചിലിരിക്കുകയായിരുന്ന മൂന്ന് കുട്ടികളുടെ തലയിൽ കോണ്‍ക്രീറ്റ് പാളികള്‍ വീഴുന്നതും മറ്റു കുട്ടികളും അദ്ധ്യാപികയും പരിഭ്രാന്തിയിലാകുന്നതും ദൃശ്യങ്ങളിൽ കാണാൻ സാധിക്കുന്നു.