ചാവക്കാട്: വിവാഹിതയും കൊച്ചുകുഞ്ഞിന്റെ അമ്മയുമായ യുവതി ഇക്കാര്യങ്ങളെല്ലാം മറച്ചുവെച്ച് ടിക്ക് ടോക്കിലൂടെ പരിചയപ്പെട്ട യുവാവുമായി പ്രണയത്തിലാകുകയും കുഞ്ഞിനെ ഉപേക്ഷിച്ച് യുവതി കാമുകനെ വിവാഹം കഴിയ്ക്കുകയം ചെയ്തു. എന്നാല്‍ ഇനിയങ്ങോട്ടാണ് ട്വിസ്റ്റ്. , ടിക് ടോക്കില്‍ പരിചയപ്പെട്ട് അടുപ്പത്തിലായ യുവാവിനെ വിവാഹം കഴിച്ച യുവതി ശരിയ്ക്കും വെട്ടിലായി. വിവാഹിതയും ഒരു കുഞ്ഞും ഉണ്ടെന്നറിഞ്ഞ കാമുകന്‍ താലികെട്ടി മണിക്കൂറുകള്‍ക്കുള്ളില്‍ യുവതിയെ ഉപേക്ഷിക്കുകയായിരുന്നു. കുട്ടിയെ ഉപേക്ഷിച്ചതിന് ബാലാവകാശ നിയമപ്രകാരം കേസില്‍ കുടുങ്ങിയ യുവതി റിമാന്‍ഡിലുമായി. ഇവരുടെ ഭര്‍ത്താവ് വിദേശത്താണ്.
ചാവക്കാട് എടക്കഴിയൂരിലാണ് സിനിമയെ വെല്ലുന്ന കാര്യങ്ങള്‍ അരങ്ങേറിയത്. എടക്കഴിയൂര്‍ കാജാ സെന്ററിനടുത്ത് താമസിക്കുന്ന ചേറ്റുവ സ്വദേശിയായ യുവതി വെള്ളിയാഴ്ച കുട്ടിയെ അയല്‍വാസിയുടെ അടുക്കലാക്കി കണ്ണൂര്‍ മയ്യില്‍ സ്വദേശിയായ കാമുകനടുത്തേക്കാണ് പോയത്. കടയില്‍ പോയി ഉടന്‍ തിരിച്ചെത്താമെന്ന് വിശ്വസിപ്പിച്ചാണ് കുട്ടിയെ ഏല്പിച്ചത്.
ശനിയാഴ്ച യുവതി കാമുകനും ബന്ധുക്കള്‍ക്കുമൊപ്പം ക്ഷേത്രത്തില്‍ പോയി താലി കെട്ടി. എന്നാല്‍, ഇവര്‍ക്ക് ഭര്‍ത്താവും കുട്ടിയുമുണ്ടെന്ന് കാമുകന്റെ ബന്ധുക്കള്‍ക്ക് വൈകാതെ വിവരം കിട്ടി. അതോടെ യുവതിയെ കാമുകന്‍ വേണ്ടെന്നു വച്ചു. യുവതി ഗത്യന്തരമില്ലാതെ സ്വന്തം വീട്ടില്‍ വിളിച്ച് കാര്യം പറഞ്ഞു.
യുവതിയെ കാണാനില്ലെന്ന സഹോദരന്റെ പരാതിയില്‍ അന്വേഷണം നടത്തുകയായിരുന്ന മയ്യില്‍ പൊലീസിനെ ബന്ധുക്കള്‍ വിവരമറിയിച്ചു. തുടര്‍ന്ന് എസ്.ഐമാരായ അബ്ദുള്‍ ഹക്കീം, നവീന്‍ ഷാജ് എന്നിവരുടെ നേതൃത്വത്തില്‍ യുവതിയെ നാട്ടിലേക്ക് കൊണ്ടുവന്നു. എന്നാല്‍, യുവതിയെ സ്വീകരിക്കാന്‍ സ്വന്തം വീട്ടുകാരും ഭര്‍ത്താവിന്റെ വീട്ടുകാരും തയ്യാറായില്ല. കുഞ്ഞിനെ ഉപേക്ഷിച്ചു പോയതിന് കേസെടുത്ത് വടക്കാഞ്ചേരി കോടതിയില്‍ ഹാജരാക്കിയ യുവതിയെ തൃശൂര്‍ വനിതാ ജയിലിലാണ് റിമാന്‍ഡ് ചെയ്തത്.
Post Your Comments