അടൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയ കേസില്‍ യുവാവ്‌ അറസ്റ്റില്. കുതിരമുക്ക്‌ ഉടയാന്‍വിള കിഴക്കേതില്‍ ശ്യാംകുമാറി(21)നെയാണ്‌ അറസ്‌റ്റ്‌ ചെയ്‌തത്‌. പെണ്‍കുട്ടി വീട്ടില്‍ തലകറങ്ങി വീണതിനെത്തുടര്‍ന്ന്‌ തിരുവനന്തപുരം മെഡിക്കല്‍ കോളജ്‌ ആശുപത്രിയില്‍ പരിശോധിച്ചപ്പോഴാണ്‌ ഗര്‍ഭിണിയാണെന്നു മനസിലായത്‌.
തുടര്‍ന്നു മാതാവിനൊപ്പം ആശുപത്രിയില്‍നിന്നു കഴിഞ്ഞ നാലിന്‌ അടൂര്‍ കെ.എസ്‌.ആര്‍.ടി.സി. ബസ്‌ സ്‌റ്റാന്‍ഡിലെത്തിയ പെണ്‍കുട്ടി അടുത്ത കടയില്‍ കയറിയപ്പോള്‍ ശ്യാംകുമാര്‍ പിടിച്ചുവലിച്ചു കൊണ്ടുപോയി. ഇതോടെ മാതാവ്‌ അടൂര്‍ പോലീസ്‌ സ്‌റ്റേഷനിലെത്തി പരാതി നല്‍കി. വിവാഹവാഗ്‌ദാനം നടത്തിയായിരുന്നു പീഡനം.മാര്‍ച്ച്‌, ഏപ്രില്‍ മാസങ്ങളില്‍ പെണ്‍കുട്ടിയെ വീട്ടില്‍ വിളിച്ചുവരുത്തി പീഡിപ്പിക്കുകയായിരുന്നെന്ന്‌ പോലീസ്‌ പറഞ്ഞു.
Post Your Comments