ഭുവനേശ്വര്‍; ഇടിമിന്നലേറ്റ് എട്ട് മരണം; അഞ്ച് പേര്‍ക്ക് പരിക്ക്; കനത്ത ജാഗ്രത പാലിക്കാന്‍ നിര്‍ദേശം. ഒഡീഷയിലാണ് സംഭവം. ഒഡീഷയിലെ വിവിധ ഇടങ്ങളിലുണ്ടായ ഇടിമിന്നല്‍ ഏറ്റാണ് എട്ട് പേര്‍ മരിച്ചത്. അഞ്ച് പേര്‍ക്ക് പരിക്കുപറ്റിയിട്ടുണ്ട്. ഒഡീഷയിലെ കൊരാട്പൂര്‍, കെണ്ടുജാര്‍, ജജ്പൂര്‍, ഗന്‍ജം എന്നിവിടങ്ങളിലാണ് ആളുകള്‍ മരിച്ചത്. പരിക്കേറ്റ അഞ്ച് പേര്‍ ഗുരുതര നിലയില്‍ ആശുപത്രിയിലാണ്. സംഭവത്തിന്റെ പശ്ചാത്തലത്തില്‍ ഒഡീഷയില്‍ ജാഗ്രതാ നിര്‍ദേശം പുറപ്പെടുവിച്ചിട്ടുണ്ട്.
ഞായറാഴ്ച ഐഎംഡി സെന്റര്‍ ഒഡീഷയില്‍ ഇടിമിന്നല്‍ ജാഗ്രതാ നിര്‍ദ്ദേശം നല്‍കിയിരുന്നു. പത്ത് ജില്ലകളിലാണ് നിര്‍ദേശം നല്‍കിയിരുന്നത്. മണ്‍സൂണിന് മുന്നോടിയായി സംസ്ഥാനത്ത് വിവിധ ഭാഗങ്ങളില്‍ നേരിയ രീതിയില്‍ മഴ ലഭിക്കുമെന്നും കനത്ത ഇടിമിന്നല്‍ ഉണ്ടാകുമെന്നും മെട്രോളജിക്കല്‍ ഡിപ്പാര്‍മെന്റ് അറിയിച്ചിട്ടുണ്ട്.
Post Your Comments