യുഎഇയിൽ പുകവലി ഉപേക്ഷിക്കുന്നവരുടെ എണ്ണത്തിൽ വർധനവ്

ദുബായ്: യുഎഇയിൽ പുകവലി ഉപേക്ഷിക്കുന്നവരുടെ എണ്ണം വർധിക്കുന്നതായി റിപ്പോർട്ട്. രണ്ടു വർഷം കൊണ്ട് 122% പേരാണ് സിഗരറ്റും മറ്റും ഉപേക്ഷിക്കുന്നത്. ലോക പുകവലി വിരുദ്ധ ദിനം വെള്ളിയാഴ്ച ആചരിക്കുന്നതിന് മുന്നോടിയായാണ് മന്ത്രാലയം ഈ റിപ്പോർട്ട് പുറത്തുവിട്ടത്. 2018ൽ നടത്തിയ ആരോഗ്യ സർവെയിൽ കൗമാരക്കാരിൽ പുകവലിയുടെ അളവ് 15.6% ആയി കുറഞ്ഞതായി കണ്ടെത്തി. 2010ൽ ഇത് 21% ആയിരുന്നു. വനിതകളിലെ പുകവലി ശീലം 2.4% ആണ്.

സ്മോക്കിങ് സെസേഷൻ ക്ലിനിക്കുകളിൽ സന്ദർശിക്കുന്നവരുടെ എണ്ണം കൂടി. 2016ൽ നിന്ന് 2018ലേക്കെത്തിയപ്പോൾ ഇത് 47% ആയി വർധിച്ചു. ഇതേ കാലയളവിൽ പുകവലി ഉപേക്ഷിച്ചവരും ഏറെയാണ്. ലോക ആരോഗ്യ സംഘടനയുടെ ഇൗ വർഷത്തെ മുദ്രാവാക്യം ടൊബാക്കോ ആൻഡ് ലംഗ് ഹെൽത്ത് എന്നാണ്. പുകവലിയുടെ ദൂഷ്യ ഫലങ്ങളും അത് ശ്വാസകോശത്തെ എങ്ങനെ ബാധിക്കുന്നു എന്നുമുള്ള ബോധവത്കരണമാണ് പ്രധാന ലക്ഷ്യം.