ജയ്പൂര്‍: ഗര്‍ഭിണിക്ക് രക്തം നല്‍കാന്‍ നോമ്പ് മുറിച്ച് രാജസ്ഥാന്‍ യുവാവ് മാതൃകയായി. സാവിത്രി ദേവി എന്ന യുവതിക്ക് രക്തം നല്‍കാനാണ് രാജസ്ഥാന്‍ സ്വദേശി അഷ്റഫ് ഖാന്‍ നോമ്പ് മുറിച്ചത്. ഗര്‍ഭിണിയായ സ്ത്രീയുടെ രക്തത്തിലെ ഹീമോഗ്ലോബിന്റെ അളവ് കുറഞ്ഞതോടെയാണ് അടിയന്തരമായി രക്തം ആവശ്യമായി വന്നത്. സോഷ്യല്‍ മീഡിയയിലൂടെ സ്ത്രീയുടെ നില അറിഞ്ഞ അഷ്റഫ് ഖാന്‍ അവരുടെ ഫോണ്‍ നമ്പരും മറ്റുവിവരങ്ങളും കണ്ടെത്തി രക്തം നല്‍കാന്‍ സന്നദ്ധത അറിയിച്ചു. നോമ്പ് മുറിച്ചതിന് ശേഷം വൈകുന്നേരം ആശുപത്രിയില്‍ എത്താമെന്ന് അറിയിച്ചെങ്കിലും സ്ത്രീയുടെ നില ഗുരുതരമാണെന്ന് ഡോക്ടര്‍മാര്‍ അറിയിച്ചതോടെ അഷ്റഫ് നോമ്പ് ഉപേക്ഷിച്ച് രക്തം നല്‍കുകയായിരുന്നു.
Post Your Comments