കൊച്ചി: കൊച്ചിയില്‍ ബ്രോഡ്വേയില്‍ മാര്‍ക്കറ്റില്‍ തീപിടുത്തം. മാര്‍ക്കറ്റിലെ തുണിക്കടയിലാണ് തീപിടുത്തം ഉണ്ടായത്. വളരെ പെട്ടെന്നു തന്നെ പടര്‍ന്നു പിടിക്കുകയും അഗ്നിബാധയേറ്റ കട അതേസമയം കത്തി ചാമ്പലാവുകയും ചെയ്തു. നിരവധി പഴയ ചെറി കടകളുള്ള തിങ്ങി നിറഞ്ഞ മാര്‍ക്കറ്റാണ് ബ്രോഡേവേയിലുള്ളത്. അതുകൊണ്ടു തന്നെ സമീപത്തുള്ള കടകളിലേക്ക് തീ പടര്‍ന്നു പിടിക്കാതിരിക്കാനുള്ള ശ്രമത്തിലാണ് അഗ്നിശമന സേന. മൂന്നു അഗ്നിശമന സേന യൂണിറ്റുകള്‍ സംഭവ സ്ഥലത്തെത്തി തീ അണക്കാനുള്ള തീവ്ര ശ്രമത്തിലാണ്.
അഗ്നിബാധ ശ്രദ്ധയിപ്പെട്ടതിനെ തുടര്‍ന്ന് തുണിക്കടയിലെ ജീവനകാരും മറ്റും ഉടന്‍ തന്നെ പുറത്തേയ്‌ക്കോടി രക്ഷപ്പെട്ടു. കൂടാതെ സമീപത്തുള്ള കടകളിലെ ആളുകളേയും അപകട സ്ഥലത്തു നിന്നും മാറ്റി. അപകടത്തില്‍ ഇതുവരെ ആളപായമോ പരിക്കോ റിപ്പോര്‍ട്ട് ചെയ്തിട്ടില്ല. എറണാകുളത്തെ ഏറ്റവും പഴയതും തിരക്കേറിയതുമായ വ്യാപാര കേന്ദ്രങ്ങളിലൊന്നാണ് ബ്രോഡ്‌വേ.
Post Your Comments