ന്യൂഡല്‍ഹി: ഇന്ത്യയുടെ അടുത്ത പ്രധാനമന്ത്രിയെ പ്രവചിക്കുന്നവർക്ക് കിടിലൻ ഓഫറുമായി ഓണ്‍ലൈന്‍ ഫുഡ് ഡെലിവറിങ് ആപ്പായ സൊമാറ്റോ രംഗത്ത്. ‘സൊമാറ്റോ ഇലക്ഷന്‍ ലീഗ്’ എന്നാണ് പുതിയ പദ്ധതിക്ക് പേരിട്ടിരിക്കുന്നത്. മുൻപ് ഐപിഎല്‍ വിജയികളെ പ്രവചിക്കുന്നതിനും ഇത്തരത്തിൽ സൊമാറ്റോ ഓഫര്‍ നല്‍കിയിരുന്നു.
പ്രവചന മത്സരത്തില്‍ പങ്കെടുക്കുന്നവര്‍ക്ക് 40 ശതമാനം ഡിസ്‌കൗണ്ടും പ്രവചനം ശരിയാണെങ്കില്‍ 30 ശതമാനം തുക ക്യാഷ്ബാക്കുമാണ് ഓഫര്‍ നൽകുന്നത്. മെയ് 22 വരെയാണ് ഓഫർ. ഭക്ഷണം ഓർഡർ ചെയ്യുന്ന ആർക്കും മത്സരത്തിൽ പങ്കെടുക്കാൻ കഴിയും. എത്ര പ്രവചനങ്ങള്‍ ശരിയാകുന്നുവോ അത്രയും തവണ ക്യാഷ്ബാക്ക് ലഭിക്കുന്നതാണ്. പ്രധാനമന്ത്രിയെ തിരഞ്ഞെടുത്ത ശേഷമായിരിക്കും ഈ പണം ക്രെഡിറ്റ് ആകുന്നത്.
Post Your Comments